ठळक मुद्देआंतरराष्ट्रीय स्तरावर सर्वाधिक गोल करणाऱ्यांच्या यादीतही रोनाल्डो दुसरा खेळाडू ठरला आहे.
मॉस्को : पोर्तुगालच्या दुसऱ्या सामन्यातही बोलबाला राहिला तो ख्रिस्तियानो रोनाल्डोचाच. पहिल्या सामन्यात तीन गोल करत रोनाल्डोने पोर्तुगालला पराभवापासून परावृत्त करत होते. त्यानंतर बुधवारी सुरु असलेल्या दुसऱ्या सामन्याच्या पहिल्या सत्रात रोनाल्डोने गोल करत संघाला मोराक्कोविरुद्ध आघाडी मिळवून दिली.
सामन्याच्या चौथ्याच मिनिटाला पोर्तुगालला पेनेल्टी कॉर्नर मिळाला. या कॉर्नरवर अप्रतिम हेडर लगावत रोनाल्डोने संघासाठी पहिल्या सत्रातील एकमेव गोल केला. रोनाल्डोने एवढ्या शिफातीने हा गोल केला की मोराक्कोच्या खेळाडूंनाही धक्का बसला. एकाच विश्वचषकात चार गोल करणारा तो पोर्तुगालचा गुसरा खेळाडू ठरला आहे. त्याचबरोबर आंतरराष्ट्रीय स्तरावर सर्वाधिक गोल करणाऱ्यांच्या यादीतही रोनाल्डो दुसरा खेळाडू ठरला आहे.