मॉस्को : अखेरच्या मिनिटापर्यंत रंगलेल्या फुटबॉल विश्वचषकातील थरारनाट्यात अखेर अर्जेंटीनाने बाजी मारली. लिओनेल मेस्सीच्या पहिल्या सत्रात गोल केला असला तरी नायजेरियाने 51 व्या मिनिटाला गोल करत सामन्यात 1-1 अशी बरोबरी साधली होती. पण सामन्याच्या 85व्या मिनिटाला माक्रोस रोजोने निर्णायक गोल मारला आणि अर्जेंटीना अखेर बाद फेरीत पोहोचला.
मेस्सीने सामन्याच्या 14व्या मिनिटाला दमदार गोल करत अर्जेंटीनाला पहिल्या सत्रात 1-0 अशी आघाडी मिळवून दिली. पण त्यानंतर सामन्याच्या 51व्या मिनिटाला नायजेरियाला स्पॉट किक मिळाली आणि त्यावर मोसेसने गोल करत संघाला 1-1 अशी बरोबरी करून दिली. त्यानंतर अर्जेंटीनाने जोराद आक्रमण लगावले, पण त्यांना गोल करण्यात मात्र यश येत नव्हते. अखेर सामन्याच्या 86व्या मिनिटाला पेनेल्टी कॉर्नरवर आलेला चेंडूवर रोजोने गोल केला आणि अर्जेंटीनाने 2-1 अशी आघाडी मिळवली. सामन्याच्या अखेरच्या मिनिटाला नायजेरियाकडे गोल करण्याची संधी होती, पण या संधीचे त्यांना सोने करता आले नाही.