विजयने मुख्यमंत्री म्हणून शपथ घेताच तृषा कृष्णनची पहिली प्रतिक्रिया, म्हणाली - 'मी खूप...'

दाक्षिणात्य सुपरस्टार थलपती विजयनेतामिळनाडूच्या मुख्यमंत्रीपदाची शपथ घेतल्याने सर्वांनी त्याचं अभिनंदन केलं आहे. विजयच्या या विजयामुळे त्याचे कुटुंबीय, चाहते आणि संपूर्ण राज्यात सध्या उत्सवाचे वातावरण आहे. पंतप्रधान नरेंद्र मोदी, पवन कल्याण, कमल हासन आणि प्रकाश राज यांसारख्या दिग्गजांनी विजयचे अभिनंदन केले असतानाच, आता अभिनेत्री तृषा कृष्णन हिची प्रतिक्रियाही समोर आली आहे.

मी खूप आनंदी आहे

थलपती विजयच्या आयुष्यातील मोठ्या क्षणासाठी उपस्थित राहताना तृषाने प्रसारमाध्यमांशी संवाद साधला होता. ती म्हणाली, "मी खूप उत्साही असून या क्षणाची आतुरतेने वाट पाहत आहे. विजयचे खूप खूप अभिनंदन. मी मनापासून आनंदी आहे." जेव्हा तिला विजयच्या समर्थकांसाठी काही संदेश देण्यास सांगितले, तेव्हा तिने सर्व विजयच्या सर्व चाहत्यांचे आणि हितचिंतकांचे आभार मानले आणि त्यांचेही अभिनंदन केले.

VIDEO | Chennai: Actor Trisha Krishnan leaves after attending the swearing-in ceremony of the new state government lead by TVK Chief C Joseph Vijay.

(Full video available on PTI Videos - https://t.co/n147TvrpG7) pic.twitter.com/HMonfMfTOf

— Press Trust of India (@PTI_News) May 10, 2026

शपथविधी सोहळ्याला तृषाची विशेष उपस्थिती

१० मे २०२६ रोजी चेन्नईतील जवाहरलाल नेहरू स्टेडियमवर थलपती विजयचा भव्य शपथविधी सोहळा पार पडला. या सोहळ्याला विजयचे कुटुंबीय, राजकीय नेते आणि दक्षिण चित्रपटसृष्टीतील अनेक नामवंत कलाकार उपस्थित होते. अभिनेत्री तृषा कृष्णनने देखील या सोहळ्याला हजेरी लावून विजयच्या या ऐतिहासिक प्रवासाची साक्षीदार होण्याचा मान मिळवला.

वाढदिवस आणि विजयाचा योगायोग

विशेष म्हणजे, ४ मे रोजी जेव्हा तमिळनाडू विधानसभा निवडणुकीचे निकाल जाहीर झाले, तेव्हा तृषाचा वाढदिवस होता. त्या दिवशी ती तिरुपती मंदिरात दर्शनासाठी गेली होती आणि तिथून परतल्यानंतर तिने थेट विजयच्या घरी जाऊन त्याचे अभिनंदन केले होते. मुख्यमंत्रीपदाची शपथ घेतल्यानंतर जेव्हा विजय स्टेडियमबाहेर आला, तेव्हा त्याने हात जोडून सर्वांचे आभार मानले. अनेक वर्षांच्या चित्रपट कारकिर्दीनंतर आता विजय राजकारणाच्या माध्यमातून तमिळनाडूच्या सेवेसाठी सज्ज झाला आहे.