कतरिना-विकीनंतर ४५० वर्षे जुन्या किल्ल्यात ही अभिनेत्री बांधणारेय लग्नागाठ, जाणून घ्या याबद्दल

टेलिव्हिजन आणि बॉलिवूड, साउथ सिनेइंडस्ट्रीत आपल्या अभिनय कौशल्याने प्रेक्षकांचे मन जिंकणारी ही अभिनेत्री लवकरच विवाह बंधनात अडकणार आहे.

कतरिना कैफ आणि विकी कौशलचा विवाह सोहळा ७०० वर्षे जुन्या राजस्थानमधील किल्ल्यात पार पडला. त्यानंतर आता आणखी एक अभिनेत्री ४५० वर्षे जुन्या किल्ल्यात लग्नगाठ बांधणार आहे.

टेलिव्हिजन आणि साऊथ सिनेमांमध्ये आपल्या अभिनयाने प्रेक्षकांची मने जिंकणारी प्रसिद्ध अभिनेत्री हंसिका मोटवानी हिच्याबद्दल मोठी बातमी समोर आली आहे. ही अभिनेत्री आता लग्नबेडीत अडकणार आहे.

हंसिका मोटवानी या वर्षाच्या शेवटी लग्नबंधनात अडकणार आहे.

ती डिसेंबरमध्ये जयपूरच्या ४५० वर्षे जुन्या किल्ल्यात सात फेरे घेणार आहे, ज्यासाठी हंसिका मोटवानीने तयारी सुरू केली आहे. या अभिनेत्रीने आता लग्न करण्याचा निर्णय घेतला आहे.

मीडिया रिपोर्ट्सनुसार, सध्या अभिनेत्री तिच्या लग्नाची जोरदार तयारी करत आहे.

जयपूर येथील मुंडोटा किल्ल्यावर अत्यंत शाही पद्धतीने तिचे लग्न पार पडणार आहे. तिच्या लग्नात कुटुंबाव्यतिरिक्त जवळचे मित्र सहभागी होणार आहेत.

मात्र, हंसिका मोटवानी कोणासोबत लग्नाचे सात फेरे घेणार आहे, याबाबत कोणताही खुलासा झालेला नाही.

त्याचवेळी, अभिनेत्रीकडून लग्नाबाबत कोणतेही अधिकृत वक्तव्य आलेले नाही.

हंसिका मोटवानी बालकलाकार म्हणून सिनेइंडस्ट्रीत सक्रिय होती.

तिने छोट्या पडद्यावरील प्रसिद्ध 'शाका लाका बूम बूम', 'क्यूँकी सास भी कभी बहू थी' आणि 'सोन परी' यासह इतर अनेक शो केले.

हंसिका मोटवानीने हृतिक रोशनच्या 'कोई मिल गया' या चित्रपटात बालकलाकार म्हणूनही काम केले आहे.

याशिवाय 'आपका सुरूर' आणि 'मनी है तो हनी है' या हिंदी चित्रपटांमध्ये काम केले असले तरी हंसिका मोटवानी साउथ चित्रपटसृष्टीत खूप सक्रिय आहे.

हंसिकाने दक्षिणेतील अनेक बड्या कलाकारांसोबत काम केले आहे आणि तिच्या कामाची प्रशंसा देखील झाली आहे.