बॉलिवूडची देसी गर्ल प्रियांका चोप्रा सध्या हॉलिवूडचा प्रसिद्ध गायक आणि अभिनेता निक जोनास सोबतच्या अफेअरमुळे चर्चेत आहे. काही दिवसांतच हे दोघेही लग्न करणार आहेत. प्रियांकाच्या या परदेशी रिलेशनच्या चर्चा सर्वत्र होत असतानाच आता तिचा होणारा नवरा निकवरही सर्वांच्या नजरा खिळल्या आहेत. निकच्या स्टायलिश लूकमुळे तो सध्या तरूणाईच्या गळ्यातील ताईत बनला आहे. स्टाइलच्या बाबतीत निक सर्वांना सहज मागे टाकतो. जाणून घेऊयात निकच्या काही स्टायलिश लूक्सबाबत...
प्रियांकाप्रमाणेच निकलाही टॅटू काढण्याचा फार शौक आहे. त्याच्या हातावर एक टॅटू असून त्याचा अर्थ होतो की, 'God is greater than the highs and lows'.
डिझायनर शर्ट मधील निकचा कूल डूडचा लूक तरूणींच्या हृदयाचा ठाव घेतो.
तरूणींप्रमाणेच अनेक तरूणही निकच्या या स्टायलिस लूक्सवर फिदा आहेत. निकचा स्पोर्टी लूक अनेकांचं लक्ष वेधून घेतो. लोअर आणि स्वेट शर्टमध्ये निकचा कूल लूक भारी दिसतो. तुम्हीही निकचा हा लूक ट्राय करू शकता.
काही दिवसांतच हॉलिवूड स्टार असलेला निक जोनास भारताचा जावई होणार आहे. निकला सोनं फार आवडतं. त्याची गोल्ड चैन आणि गोल्डचं वॉच तरूणांचं लक्ष वेधून घेत आहे.
नेहमी आपल्या हटके आणि वेगळ्या लूकमध्ये दिसणाऱ्या निकला वेगवेगळे ब्रॅन्डेड कपडे वापरायला फार आवडतात. निक नेहमी वेगवेगळ्या ब्रॅन्डच्या कपड्यांमध्ये दिसून येतो.