सध्या नो-मेकअप सेल्फीचा ट्रेन्ड असून काही दिवसांपूर्वी अभिनेत्री करिना कपूरने व्हेकेशन एन्जॉय करत असताना सोशल मीडियावर काही फोटो शेअर केले. ज्यामध्ये करिनाचा एक सेल्फी नोमेकअप सेल्फी होता. जो नंतर नेटकऱ्यांमध्ये चर्चेचा विषय बनला. पण करिनाच्या आधीही अनेक अभिनेत्रींनी आपला नो-मेकअप सेल्फी सोशल मीडियावर शेअर केला होता. त्यामध्ये सोनम कपूर, मलायका अरोरा, कृति सेनन यांसारख्या बॉलिवूडच्या अग्रगण्या अभिनेत्रींचाही समावेश होता. त्यामुळे सध्या नो-मेकअप सेल्फी सध्या ट्रेन्डिगमध्ये आहे, असं म्हणणं वावगं ठरणार नाही.
बॉलिवूड अभिनेत्री करिना कपूर खान मागील काही दिवसांपासून यूरोपमधील टक्सनी येथे हॉलिडे एन्जॉय करत आहे. जिथे तिच्यासोबत सैफ अली खान आणि मुलगा तैमुरही व्हेकेशन एन्जॉय करत आहे. व्हेकेशनचे अनेक फोटो करिनाने शेअर केले त्यामधील एक तिचा नो-मेकअप सेल्फी होता. विदाउट मेकअप हॉल्टर नेक ड्रेसमध्ये करिना अत्यंत सुंदर दिसत होती आणि त्याचबरोबर नो-मेकअप लूकमध्ये तिला फार सोबर लूक मिळते होता.
मलायका, सोनम, कतरिनानाचाही नो-मेकअप लूक
सध्या बॉलिवूड अभिनेत्रींमध्ये मेकअप सेल्फीचा ट्रेन्ड सुरू आहे. आतापर्यंत करिना कपूर खानपर्यंत मलायका अरोरा, सोनम कपूर, कतरिना कैफसोबतच काजल अग्रवालपर्यंत विदाउट मेकअप सेल्फी सोशल मीडियावर शेअर करत आहेत. दरम्यान, काही यूजर्स त्यांना ट्रोलही करत आहेत. परंतु, एक काही यूजर्स त्यांच्या नो-मेकअप सेल्फी लूकला पसंती देत आहेत.
व्हायरल होत आहे हॉट ट्रेन्ड
सध्या नो-मेकअप असणाऱ्या सेल्फीचा ट्रेन्ड अभिनेत्रींसोबतच अनेक तरूणींमध्येही व्हायरल होत आहे. अनेक तरूणी मेकअप करण्याऐवजी नो-मेकअप लूकला पसंती देत आहेत. खास गोष्ट म्हणजे, हा ट्रेन्ड होत असून अनेक तरूणी फॉलो करत आहेत. खरं तर हॉलिवूडमधून आलेला हा ट्रेन्ड बॉलिवूडची पसंती ठरत आहे.
चौकट मोडत आहे हा ट्रेन्ड
आतापर्यंत फिल्म स्टार म्हणजे, मेकअप आणि क्लासी आउटफिट्स हे समीकरण होतं. पण आता ही चौकट मोडून अनेक स्टार्स नो-मेकअप लूक फॉलो करत आहेत. हॉलिवूडमध्ये तर अनेक स्टार्स असे फोटोही शेअर करत आहेत, ज्यामध्ये त्यांचे स्ट्रेच मार्क्स, चेहऱ्यावरील सुरकुत्याही स्पष्ट दिसत आहेत.