Ichalkaranji Assembly Election 2019, Ichalkaranji Vidhan Sabha Election Results 2019 - Latest Marathi News | Ichalkaranji Assembly Election Result 2019 | इचलकरंजी विधानसभा निवडणूक निकाल 2019, ताज्या मराठी बातम्या | Maharashtra Election Results, Live Updates & Counting

अतुल आंबीइचलकरंजी : आमदार प्रकाश आवाडे आणि त्यांचे पुत्र राहुल यांनी भाजपमध्ये प्रवेश केल्याने मतदारसंघातील राजकीय वातावरण ढवळून निघाले आहे. ताराराणी पक्षात उत्साह, तर भाजपमध्ये अस्वस्थता असे वातावरण असून दोन्हीकडील कार्यकर्त्यांच्या मनोमिलनाचे आव्हान नेत्यांसमोर आहे. दरम्यान, आवाडे यांच्या भाजप प्रवेशाने इचलकरंजी मतदारसंघात एकास एक लढतीची शक्यता निर्माण झाली आहे.आवाडे यांच्या भाजप प्रवेशाने शहरातील महायुतीसह महाविकास आघाडीच्या स्थानिक नेत्यांमध्ये खळबळ उडाली आहे. आवाडे यांच्या नेहमी विरोधात असणारे अनेकजण महायुतीमध्ये कार्यरत होते. आवाडे यांनी राजकीय खेळी करत तेथे उडी घेतल्याने त्यांची गोची झाली असून, त्यांची पुढील भूमिका कशी राहणार, याकडेही लक्ष लागले आहे. त्याचबरोबर महाविकास आघाडीमध्येही खलबत्ते सुरू असून, आवाडे यांना टक्कर देण्यासाठी एकत्रित येऊन एकास एक उमेदवारीची समीकरणे जुळविण्याचा प्रयत्न सुरू आहे. त्यात महायुतीमधील परंपरागत कट्टर आवाडे विरोधक सोबत येऊन अथवा अंतर्गत आपणास मदत करतील का, यासाठीही चाचपणी सुरू आहे.शहरात आवाडे यांना विरोध करण्यासाठी अनेकवेळा विरोधकांनी एकत्र येत एकास एक उमेदवार देऊन आवाडे यांना आव्हान उभे केले आहे. अशा एकास एक लढतीत आवाडे यांना पराभव पत्करावा लागला आहे. हा इतिहास पाहता यंदाही तसा प्रयत्न होण्याची शक्यता आहे. त्यात आमदार आवाडे यांनी स्वत: बाजूला राहत पुत्र राहुल यांना उमेदवारी घोषित केल्याने विरोधकांनी तीन पिढ्या एका घरात आमदारकी द्यायची काय, असे म्हणत रान उठविण्यास सुरूवात केली आहे.बेरजेची राजकीय खेळीआवाडे यांनी बेरजेची राजकीय खेळी करत भाजपमध्ये प्रवेश केला. त्यांच्या गटाची स्वत:ची मते त्यामध्ये भाजप म्हणून मिळणारी पक्षाची मते तसेच मोदीप्रेमी व हिंदुत्ववादी मते आवाडे यांना मिळतील, असे त्यांचे गणित आहे.हाळवणकर यांच्या मेळाव्याकडे लक्षसध्या पक्षादेश असल्याने सुरेश हाळवणकर यांना वेगळी भूमिका घेणे अडचणीचे आहे. मात्र, त्यांच्यासोबत कोणतीही अपेक्षा न बाळगता निष्ठावंत म्हणून राहिलेल्या कार्यकर्त्यांची मोठी अडचण निर्माण झाली आहे. पितृपक्षानंतर कार्यकर्त्यांचा मेळावा घेऊन हाळवणकर त्यांची भावना जाणून घेणार आहेत. त्यामध्ये होणाऱ्या निर्णयाकडेही राजकीय वर्तुळाचे लक्ष लागले आहे.कार्यकर्त्यांची मानसिकतावर्षानुवर्षे आवाडे विरोधक म्हणून कार्यरत असलेल्या कार्यकर्त्यांची आवाडे यांचा प्रचार करण्याची मानसिकता दिसत नाही. मुळात हाळवणकर यांनीही पत्रकारांशी बोलताना आवडे यांना वैचारिक विरोध राहणारच, असे स्पष्टपणे सांगितले आहे. त्यामुळे वरिष्ठ पातळीवरून आलेल्या आदेशाचे पालन म्हणून ते कितपत सक्रिय राहतात आणि आवाडे यांच्याशी कसे जुळवून घेतात, त्यावरही कार्यकर्त्यांचा कल अवलंबून राहणार आहे.

Candidate	Party	Votes
Umesh Bajirao Khandekar	Bahujan Samaj Party	503
Khanjire Rahul Prakash	Indian National Congress	7262
Suresh Ganapati Halwankar	Bharatiya Janata Party	67076
Amane Shashikant Vasantrao	Vanchit Bahujan Aaghadi	3693
Ismail Abbas Samdole	Swaraj India	787
Santosh Dattatray Koli (Balmaharaj)	Akhil Bharat Hindu Mahasabha	1331
Abhijeet Mahaveer Khot	Independent	292
Kubersing Uttamsing Rajput	Independent	147
Nitin Dilip Laykar	Independent	825
PRAKASHANNA AWADE	Independent	116886
Balkrishna Kashinath Mhetre	Independent	273
Shakuntala Sachin Magdum	Independent	210
Shahugonda Satgonda Patil	Independent	251
SANJAY PARASRAM POL	Independent	222

Assembly Constituency Result

News Ichalkaranji

आवाडे विरोधकांची मोट बांधणार ...

नेत्यांचा पक्षप्रवेश पण निष्ठावंत कार्यकर्त्यांचे काय? ...

बावनकुळे यांनी दिली आवाडे यांच्या निवासस्थानी भेट ...

'तुम्ही नेता म्हणून मला मान्य केले असेल, तर मी मान्य केलेला निर्णय तुम्हाला मान्य करावा लागेल' ...

आवाडे हे भाजपमध्ये प्रवेश केल्यानंतर कट्टर विरोधक समजल्या जाणाऱ्या सर्वांचीच गोची ...

दोन प्रकल्प उन्नतीकरण व क्षमता वाढ : एका नवीन प्रकल्पास मंजुरी ...

हाळवणकर यांच्या मेळाव्याकडे लक्ष ...