वाहतुकीची कोंडी

धुळे : शहरातील तहसील कार्यालयाजवळील चौकात सकाळी ११ ते दुपारी १२ वाजेदरम्यान याठिकाणी बारा पत्थर चौक, अकबर चौक, जमनालाल बजाज रोड आणि जेल रोडकडून गाड्या येतात. चौकात उभे राहणाऱ्या रिक्षा आणि हॉकर्स यामुळे वाहतुकीची कोंडी होत असते.

बेशिस्त पार्किंग

धुळे : शहरात आग्रारोडवर रस्त्यावर उभे राहणारे हॉकर्स आणि खरेदीसाठी येणाऱ्या नागरिकांची वाहने यामुळे रस्त्यावरून पायी चालणेदेखील कठीण होते. नागरिक आपली वाहने मनाला पटेल त्यापद्धतीने पार्किंग करतात. बेशिस्त पार्किंगमुळे आग्रारोडवर वाहतुकीची कोंडी होत असते.

अनियमित पाणीपुरवठा

धुळे : शहरातील अनेक भागात अनियमित पाणीपुरवठा होत असल्याची नागरिकांची तक्रार आहे. काहीवेळेस चार दिवसाआड तर काही भागात अचानक पाणीपुरवठा सुरू होतो. त्यामुळे परिसरातील महिलांची पाणी भरण्यासाठी धावपळ उडते. नियमित पाणीपुरवठा करण्याची मागणी आहे.

अमरधाममध्ये अस्वच्छता

कुसुंबा, ता.धुळे : तालुक्यातील तिखी येथील अमरधाममध्ये मोठ्या प्रमाणावर घाणीचे साम्राज्य निर्माण झाले आहे. यामुळे नातेवाइकांना अंत्यविधीसाठी उभे राहणेदेखील मुश्कील झाले आहे. याकडे ग्रामपंचायतीने गांभीर्याने लक्ष घालून स्वच्छता करावी, अशी मागणी ग्रामस्थांकडून करण्यात येत आहे.