जातोडा, भोरखेडा येथे लसीकरण सुरू करा

जातोडा येथे आरोग्य उपकेंद्र नावालाच आहे की काय? अशी शंका परिसरातील नागरिक करीत आहेत. तालुक्यासह संपूर्ण महाराष्ट्रात कोरोनाने हाहाकार माजवला आहे. प्रशासन म्हणते, कोरोनाची लस घ्या तसेच घराबाहेर पडू नका, असेही सांगते. आता लोकांनी करायचे काय? परिसरातील लोक सांगवी, वाडी, रोहिणी व दहिवद येथील आरोग्य केंद्रांत लसीकरणासाठी जात आहेत. ज्याच्याकडे जाण्यासाठी साधन नाही, त्यांनी कसे जावे? म्हणूनच जातोडा आरोग्य उपकेंद्रात लवकरात लवकर कोरोना लसीकरण चालू करावे़.

जेणेकरून परिसरातील लोकांना कोरोना काळात लांब बाहेर गावी न जाता परिसरातच लस घेता येईल़. कोरोनाचा संभाव्य धोका टाळता येईल, तशी मागणी परिसरातील बोरगाव येथील उपसरपंच योगेंद्रसिंग सिसोदिया यांनी केली आहे.

भोरखेडा येथे लसीकरण

भोरखेडा गावात कोरोना लसीकरण केंद्र सुरू करा़. या गावातील लोकसंख्या मोठी आहे़ तसेच असली, गोदी, सावेर हे गाव २ किमी अंतरावर आहेत़, तसेच थाळनेर उपकेंद्रात जाण्यासाठी लोकांना वाहन व्यवस्था नसल्यामुळे हाल होत आहे़त. त्यासाठी भोरखेडा गावात ग्रामीण रुग्णालयाच्या डॉक्टरांची नेमणूक आहे, ते आशावर्कर्स व नर्सच्या माध्यमातून भोरखेडा जिल्हा परिषद शाळेत किंवा सोसायटीच्या ऑफिसात लसीकरणाची सोय करता येऊ शकते. तसे झाल्यास लसीकरणाचा जास्तीत-जास्त लोकांना फायदा होईल़. त्यामुळे या भोरखेडा गावात तातडीने लसीकरण केंद्र सुरू करण्यात यावे, अशी मागणी भाजपचे तालुका उपाध्यक्ष सुरेंद्र उदेसिंग राजपूत यांनी केली आहे़

भोरखेडा गावात मागील १ महिन्यात १७ ते १८ लोकांचा मुत्यू झाल्याने गाव घाबरलेले आहे. म्हणून लसीकरण करून गावातील लोकांना दहशतमुक्त करण्यास मदत होईल़.