नववधूसह सातजण पॅाझिटिव्ह, देवी गाव १४ दिवसांसाठी कंटेन्मेंट झोन जाहीर

दरम्यान, संपर्कातील सात रुग्णांचा अहवालदेखील पाॅझिटिव्ह आल्याने प्रशासन खडबडून जागे झाले आहे. कोरोना संसर्ग वाढू नये, यासाठी संपूर्ण गाव १४ दिवसासांठी कंटेनमेन्ट झोन मंडल अधिकारी. पी. के. धनगर यांनी घोषित केले आहे.

मालपूर प्राथमिक आरोग्य केंद्रार्गत देवी गावांचा समावेश आहे. मालपूर प्राथमिक आरोग्य केंद्राचे वैद्यकीय अधिकारी डॉ. हितेंद्र पाटील यांच्या मार्गदर्शनाखाली संपूर्ण गावाचा आरोग्य सर्व्हे करण्यात आला आहे. यात नववधूच्या संपर्कातील सात जण बाधित निघाले आहेत. उपाययोजना म्हणून १४ दिवसांसाठी गाव सील करण्यात आले आहे. यावेळी शेवाडे मंडळ अधिकारी पी. के. धनगर, ग्रामसेवक दिलवर पावरा, तलाठी एन.एस. माजळकर, पोलिस पाटील, सरपंच पुष्पाबाई कोमलसिंग गिरासे यांचे प्रतिनिधी कोमलसिंग भगवानसिंग गिरासे उपस्थित होते. गावात ठिकठिकाणी बॅरिकेड लावून ३० मार्चपर्यंत गाव सील केले आहे. दरम्यान, गावात फवारणीचे काम सुरू आहे.

यांचे अहवाल पाॅझिटिव्ह

बाधिताच्या संपर्कातील तिचा पती, सासरे, सासू तसेच नवविवाहित तसेच गल्लीतील ३० वर्षीय युवक, वृद्ध महिला व तिचा पती वर्षीय असे एकूण सात रुग्ण पाॅझिटिव्ह आले आहेत.