धुळे तालुक्यात २५ कोटींच्या रस्ते कामांना मंजुरी

या कामात निमगुळ ते नवे गाव निमगुळ (निमगुळ खोरदड रस्ता ग्रामा 53) बोरी नदीवर पुलाच्या बांधकामासही मंजुरी मिळाली आहे. .

धुळे तालुक्यातील ग्रामीण भागातील रस्त्यांची कामे व्हावीत म्हणून काँग्रेसचे कार्याध्यक्ष आ.कुणाल पाटील हे प्रयत्नशील राहिले आहेत. राज्य शासनाच्या अर्थसंकल्पात तालुक्यातील विविध रस्त्यांना व पुलांना मंजुरी मिळावी म्हणून रस्ते व पुलांचे आराखडे तयार करण्याच्या सूचना केल्या होत्या त्यानुसार तयार करण्यात आलेल्या प्रस्तांवातील रस्त्यांचा अर्थसंकल्पिय अंदाजपत्रकात समावेश करुन त्यांना मंजुरी मिळाली. त्यात कापडणे ते राममा ३ देवभाने फाटा , कापडणे गावात काँक्रीटीकरण एकूण , बिलाडी ते न्याहळोद रस्ता, नवलनगर-सातरणे ते मोहाडीपर्यंत रस्ता, आर्वी-शिरुड रामा १७ किमी.२४/००ते२७/००मध्ये सुधारणा करणे,देऊर ते नांद्रे दरम्यान सुधारणा कर, रावेर ते चितोड दरम्यान सुधारणा करणे, मुकटी-वेल्हाणे-शिरुड रस्ता प्रजिमा २४- कि.मी. १२/०० ते१५/००दरम्यान सुधारणा कर, निमगुळ ते नवे गाव निमगुळ (निमगुळ खोरदड रस्ता ग्रामा ५३) बोरी नदीवर पुलाचे बांधकाम कर, नकाणे-वार-सुट्रेपाडा दरम्यान लहान पुलाचे बांधकाम करणे, कन्हेरी नदीवर फागणे ते बाळापूर दरम्यान लहान पुलाचे बांधकाम करणे या कामांचा समावेश आहे.