साक्री उपअधीक्षकांचे घर फोडले, सहा लाखांचा ऐवज लंपास

साक्री पोलीस ठाण्यात गुन्हा दाखल

धुळे : साक्री शहरातील प्रगती कॉलनीत राहणाऱ्या उपविभागीय पोलीस अधिकारी प्रदीप मैराळे यांच्या राहत्या घरी चोरट्याने डल्ला मारत ६ लाख १५ हजाराचा ऐवज लांबविला. या घटनेमुळे साक्री पोलिसात खळबळ उडाली. याप्रकरणी घरफोडीचा गुन्हा दाखल झाला असून वरीष्ठांनी घटनास्थळाची पाहणी केली. श्वान पथकासह ठसे तज्ञांना पाचारण करण्यात आले होते.