स्पर्धेतून संशोधन येते उदयास

प्र.कुलगुरु डॉ.पी.पी. माहुलीकर : साक्रीत जिल्हास्तरीय ‘अविष्कार’ स्पर्धेचे उद्घाटन

साक्री : उद्याचे भारताचे होऊ घातलेले शास्त्रज्ञ हे कुठेतरी दडलेले आहेत. त्यांचे नाव, संशोधन बाहेर येणे म्हणजे अविष्कार होय. हा प्रसंग महाविद्यालयीन युवकांसाठी जिद्द निर्माण करणारा व आपल्या बरोबरीच्या मित्र-मैत्रिणींच्या बुद्धी कौशल्यानुसार तयार केलेल्या संशोधनाचा हेवा वाटणारा आहे. हा प्रसंग म्हणजे भविष्यातील नोबल विजेते तयार करणारा पाया असल्याचे प्रतिपादन जळगाव विद्यापीठाचे प्र-कुलगुरू डॉ.पी.पी. माहुलीकर यांनी केले.
साक्री येथील सी.गो. पाटील महाविद्यालयात कवयित्री बहिणाबाई चौधरी उत्तर महाराष्ट्र विद्यापीठ जळगावच्या धुळे जिल्हास्तरीय अविष्कार स्पर्धेचे उद्घाटन जळगाव विद्यापीठाचे प्र.कुलगुरू डॉ.पी.पी. माहूलीकर यांच्याहस्ते झाले.