उपाययोजना न केल्यास डेंग्युचा उद्रेक होऊ शकतो

गेल्या दोन दिवसापासून धमाणे गावातील तीन बालकांना डेंग्यू आजाराचे निदान झाल्यानंतर धुळ्यातील खाजगी रुग्णालयांमध्ये त्यांच्यावर उपचार सुरु आहेत. या संदर्भात ‘लोकमत’ मध्ये वृत्त प्रकाशित होताच प्रशासन खडबडून जागे झाले. सोमवारी व मंगळवारी वैद्यकीय पथक व अधिकाऱ्यांनी गावात भेटी दिल्या. मंगळवारी धुळे जिल्हा हिवताप कार्यालयाच्यावतीने सहाय्यक जिल्हा हिवताप अधिकारी ए. एस.अहिरराव, कीटक समाहरक ए.वाय .परदेशी, जी.एम शेंडे,जी. एल. सूर्यवंशी, आरोग्य पर्यवेक्षक एस. पी. गोसावी, तसेच नगाव प्राथमिक आरोग्य केंद्राचे वैद्यकीय अधिकारी विक्रम वानखेडे यांच्या मार्गदर्शनाखाली आरोग्य सहाय्यक यु.पी.सोनव, आरोग्य सेवक यु.डी. मोरे, डी. बी.पाटील, आशा सेविका ज्योती प्रकाश पाटील, सुनिता कैलास पाटील, यांच्या पथकाने धामणे गावात घरोघरी जाऊन पाहणी केली. परिसरामध्ये डेंग्यू आजाराची लक्षणे असलेल्या संभाव्य रुग्णांची पाहणी केली. तसेच डास उत्पादक साधने, पाण्याची भांडी , हौद, डबके अशा ठिकाणी पाहणी करून ग्रामस्थांच्या आरोग्याबद्दल चिंता व्यक्त केली. तर पथकाने केलेल्या पाहणीत गावात बहुतांश ठिकाणी पाण्याच्या साठा असलेल्या जागावर त्यांना डेंग्यूचा प्रसार करणारी एडीस, अनोफेलिस, क्युलेक्स जातीचे डास आढळून आले. त्या डासांचे नमुनेही पथकाने घेतले आहेत.

या पाहणीनंतर पथकाने ग्रामपंचायतीमध्ये ग्रामसेवक अविनाश बैसाणे, प्रतीक संजय जाधव यांना डेंग्यूच्या गावातील वाढत्या आजाराची परिस्थिती लक्षात आणून दिली.. वेळीच उपाययोजना जर का करण्यात आल्या नाहीत तर डेंग्यूचा चा उद्रेक लवकरच होऊ शकतो ही जाणीव करून दिली..

ग्रामपंचायतीने सदर डेंग्यूच्या प्रसार करण्यासाठी गावात कोरडा दिवस पाळणे, पाण्याचे साठे स्वच्छ व साफ करणे करणे, गावात धूळ फवारणी करणे, गप्पी मासे टाकने अशा सूचनाही दिल्या.

दरम्यान धमाने ग्रामपंचायतीचे ग्रामसेवक बैसाणे, लिपिक जाधव , शिपाई लगेच कामाला लागले होते . ही स्वच्छता किंवा साफसफाई ही तात्पुरती नसून कायम स्वरूपाची उपाययोजना करण्यात यावी अशी अपेक्षा ग्रामस्थांनी व्यक्त केली आहे.