दोन दुचाकीच्या अपघातात एकाचा मृत्यू

नवलाणे ते चिंचवार दरम्यानची घटना

धुळे : भरधाव वेगाने येणाऱ्या दुचाकीने समोरुन येणाºया दुचाकीला जोरदार धडक दिली. या अपघातात गंभीर जखमी झालेल्या शांतीलाल शहानू भील (सोनवणे) या ३८ वर्षीय तरुणाचा रुग्णालयात उपचार घेताना मृत्यू झाल्याची घटना धुळे तालुक्यातील नवलाणे ते चिंचवार दरम्यान घडली.दुचाकी ही विरुध्द दिशेने चालवून समोरुन येणाऱ्या दुचाकीला धडक दिल्याने हा अपघात झाला. अपघातानंतर शांतीलाल भील याला लागलीच रुग्णालयात दाखल करण्यात आले. त्याच्या डोक्याला आणि अन्य अवयवाला गंभीर दुखापत झाली होती. रुग्णालयात उपचार सुरु असताना त्याचा मृत्यू झाला. याप्रकरणी सोनगीर पोलीस ठाण्यात नाना शहाणू भील (सोनवणे) यांनी २८ डिसेंबर रोजी फिर्याद दाखल केली. त्यानुसार गुन्ह्याची नोंद झाली. सहायक पोलीस उपनिरीक्षक नामदेव सोनवणे घटनेचा तपास करीत आहेत.