जि.प.ची ४ रोजी स्थायी समितीची सभा

उन्हाळा लागताच उसाच्या रसाला मागणी

धुळे : गेल्या काही दिवसांपासून उन्हाची तीव्रता मोठ्या प्रमाणात वाढलेली आहे. दुपारी उन्हाचे चांगलेच चटके लागत असतात. उन्हाळ्याची चाहूल लागताच शहरासह ग्रामीण भागातही उसाच्या रसाला मोठी मागणी वाढली आहे. महामार्गावरही अनेकांनी रसवंत्या थाटलेल्या आहेत. यातून अनेक तरुणांना रोजगार उपलब्ध झालेला आहे.

न्याहळोद उपरसपंचपदी योगराज पवार बिनविरोध

न्याहळोद : येथील ग्रामपंचायतीच्या उपसरपंचपदी योगराज पवार यांची बिनविरोध निवड झाली. सरपंच ज्योती भील व ग्रामसेवक किशोर शिंदे यांच्या उपस्थितीत ही निवड झाली. यावेळी १५ पैकी ९ सदस्य हजर होते. या निवडीचे सर्वत्र स्वागत होत आहे.

वीज बिल भरण्यासाठी हप्त्यांची सुविधा द्यावी

धुळे : गेल्यावर्षी लॅाकडाऊनमुळे अनेकांनी वीज बिले भरलेली नाहीत. त्यामुळे अनेक ग्राहकांकडे वीज बिलाची थकीत रक्कम वाढली. बिल न भरल्याने वीज पुरवठा खंडित केला जात आहे. ग्राहकांना दोन-तीन हप्त्यांमध्ये बिल भरण्याची सुविधा देण्याची मागणी होत आहे.

रात्री नऊ वाजताच होऊ लागले दुकाने बंद

धुळे : शहरात कोरोनाचे वाढते प्रमाण लक्षात घेता प्रशासनाने काही नियम घालून दिले असून, रात्री ९ पर्यंतच दुकाने सुरू ठेवण्याचे आदेश आहेत. त्यानुसार शहरातील अनेक भागात रात्री ९ वाजताच सर्व दुकाने बंद होत असतात. याकडे पोलीस लक्ष ठेवून आहेत.

व्यावसायिकांनाही मास्क बंधनकारक करावा

धुळे : शहरात अनेक व्यावसायिक रस्त्यालगत हातगाड्या लावून किरकोळ व्यवसाय करीत असतात. मात्र यातील बहुतांश विक्रेते हे मास्क लावतच नसल्याचे दिसून येते. त्यांच्यामुळे हातगाडीवर येणाऱ्यांनाही धोका निर्माण होऊ शकतो. त्यामुळे रस्त्यालगत व्यवसाय करणाऱ्यांनाही मास्क बंधनकारक करण्यात यावा, अशी मागणी आहे.

आदिवासी भागात भोंगऱ्याची चाहूल नाही

शिरपूर : दरवर्षी होळीच्या तीन आठवडे अगोदरपासून आदिवासी भागात भोंगऱ्या बाजाराची तयारी केली जाते. समाजबांधव मोठमोठे ढोल वाजवित नृत्याचा सराव करतात. मात्र यावर्षी कोरानामुळे आदिवासी भागात भोंगऱ्याची कुठलीही चाहूल दिसून येत नाही.

नाशिकसाठी शिवशाही बस सुरू करावी

धुळे : महामंडळाच्या धुळे आगारातर्फे कोरोनापूर्वी नाशिक-धुळे या मार्गावर शिवशाही बस सुरू केली होती. या वातानुकूलित बस सेवेला प्रतिसाद मिळत होता. मात्र सध्या ही बस बंद असून, ती पूर्ववत सुरू करावी, अशी प्रवाशांची मागणी आहे.