तहसीलमध्ये पार्किंग सुविधेचा अभाव

धुळे : दोन मजली इमारत असती तर झाली असती सुविधा, तहसीलदारांचे वाहन उभे राहते प्रवेशद्वारात

लोकमत न्यूज नेटवर्क
धुळे : धुळे ग्रामीण तहसील कार्यालयाची नवीन इमारत काहीवर्षांपूर्वीच बांधण्यात आली. मात्र या इमारतीत वाहन पार्किंगची सुविधा नसल्याने, अनेकांना रस्त्यावरच वाहने उभी करावी लागातात. त्यामुळे या वर्दळीच्या रस्त्यावर नेहमीच वाहतुकीची कोंडी होत असते. विशेष म्हणजे प्रवेशद्वारासमोरच तहसीलदारांचे वाहन उभे केले जात असल्याने, या कार्यालयात येणाऱ्या-जाणायांना प्रचंड त्रास सहन करावा लागत असतो. अधिकाऱ्यांचेच वाहन रस्ता अडवित असेल तर सर्वसामान्यांचे काय असा प्रश्न पडल्यावाचून राहत नाही.
शहरात जुन्या मामलेदार कार्यालयाच्या जुनी इमारतीच्या जागेवर शासनाच्या निधीतून तहसिलदार कार्यालयाची नवीन इमारत उभारली गेली. मात्र परिसरात मोकळी जागा असतांना तालुका पोलिस ठाण्याच्या शेजारी अतिशय अडचणीच्या जागेत ही इमारत उभारली गेली. इमारतीच्या पुढील दर्शनीभागात चार ते पाच फुटाची बोळ सोडून तेथे अधिकारी,कर्मचारी व कार्यालयात येणा?्या नागरीकांच्या वाहनाची पार्किंगची सोय करण्यात आली. मात्र तहसिलदार कार्यालयाचा व्यप लक्षात घेता ही जागा कर्मचा?्यांच्या वाहनासाठीही पुरत नाहीत. त्यामुळे कामानिमित्त येणारे नागरीक परिसरात मिळेल त्याठिकाणी बेशिस्तपणे आपली वाहने पाकिग करीत असतात. वाहन पार्किंगसाठी कोणत्याही प्रकारची स्वतंत्र सोय नसल्याने नागरीकांना त्याचा त्रास सहन करावा लागतो. जुन्या मामलेदार कार्यालयात तलाठी कार्यालय, रेकार्ड रूम,तलाठी पतसंस्थेचे कामकाज चालते. त्याठिकाणीही अनेक जण दिवसभर येतात. त्यांच्याकडूनही तेथेच वाहने बेशिस्तपणे पार्किंग केली जातात. त्यामुळे परिसरातून तहसिलदार कार्यालयात नागरीकांना बेशिस्त लावलेली वाहने तुडवित आतमध्ये जावे लागते. येथे पार्किंगची सुविधा करण्याची नितांत गरज निर्माण झाली आहे.
तहसिलदार कार्यालयाच्या आवारातील बेशिस्त वाहन पार्किंगसह कार्यालयाच्या संरक्षण भिंतीलगतच काही चहा विक्रेते, गॅरेज व इतर खाद्यपदार्थ विक्रेत्यांनी अतिक्रमण करुन स्टॉल लावले आहेत़ याशिवाय झेरॉक्स व इतर शासकीय योजनाचे अर्ज विक्री करणारे काही चालतीफिरती (वाहनातील ) दुकानेही लावली जातात. तर काही चारचाकी वाहनेही याठिकाणी कायम स्वरूपी उभी असतात. याशिवाय कार्यालयात वाहनपार्किंगची सोय नसल्याने अनेक नागरीक कार्यालयासमोरी दुकानासमोर व इतर रस्त्यावर लावतात. त्यामुळे अगोदरच अरूंद असलेला रस्ता अधिक अरूंद होवून त्याचा वाहतूकीला अडथळा होतो.त्यामुळे या रस्त्यावर दिवसातून अनेकदा वाहतूक कोंडीची समस्या उदभवते़ तहसिल कार्याजवळ जवळ झालेली वाहतूक कोंडींची समस्या नित्याची बाब बनली आहे़ वाहनचालकांसह वाहतूक शाखेच्या पोलिसांनाही डोकेदुखी ठरत आहे़
तहसिल कार्यालयाची इमारत एक मजली करण्यात आली़ तसेच चारही बाजूला कार्यालय व मध्यभागी मोकळी जागा सोडल्यामुळे बाजूला जागा शिल्लक राहिली नाही़ त्याऐवजी वाडीभोकर रोडवर ज्याप्रमाणे पंचायत समितीची इमारतीचे बांधकाम केले गेले, त्याप्रमाणे इमारत उभारुन तळमजल्यावर वाहन पार्किंग केली असती तर आज हा प्रश्न निर्माण झाला नसता़ मात्र इमारतीच्या नियोजनात फेरबदल केले गेल्याचे संबंधितांकडून सांगितले जाते़