शिरपूर येथे क्रीडापटूंचा गैारव

शिरपूर : येथील किविप्र संस्थेच्या एसपीडीएम वरिष्ठ व डाॅ. पां.रां. घोगरे कनिष्ठ महाविद्यालयात संस्थाध्यक्ष व जि.प. धुळेचे अध्यक्ष डाॅ. तुषार रंधे व संस्थेच्या कोषाध्यक्षा आशा रंधे यांच्या वाढदिवसानिमित्त तसेच मातोश्री स्व. सावित्री रंधे स्मृतिदिनानिमित्त आणि राष्ट्रीय क्रीडा दिनानिमित्त महाविद्यालयाच्या शारीरिक शिक्षण व क्रीडा विभागाच्यावतीने क्रीडापटूंसह त्यांच्या माता-पितांचा गौरव करण्यात आला.

यावेळी किविप्र संस्थेचे सचिव निशांत रंधे, विश्वस्त व कुलसचिव रोहित रंधे, दिलीप देवरे, मुकेश वर्मा, अंकिता लोखंडे, प्राचार्य डॉ.व्ही.एम. पाटील, व्यवस्थापक ए.ए. पाटील व किशोर बच्छाव, उपप्राचार्य डॉ. फुला बागुल, उपप्राचार्य पी.जी. पारधी, उपप्राचार्य सदाशिव ठाकरे, कार्यालयीन अधीक्षक संजय निकम उपस्थित होते. तसेच लाईफ स्कील डेव्हलपमेंट योगा अँड वेलनेस या क्रीडा विभागाने आयोजित केलेल्या ऑनलाइन कोर्सचे प्रमाणपत्र वितरण करण्यात आले. तसेच महाविद्यालयाचे क्रीडा संचालक डॉ.एल.के. प्रताळे यांचे योगा व फिजिकल एज्युकेशन अँड स्पोर्टस या दोन पुस्तकांचे प्रकाशन करण्यात आले.

क्रीडा नगरीतील खेळाडूंचा व त्यांच्या आई-वडिलांचा सत्कार करण्यात आला. त्यात नयन सोनवणे, मनीष जाट, सुनीता पावरा, सूरज शिरसाठ, ललित गिरासे, श्रद्धा सोनगडे, राज पाटील, राजश्री भामरे, महेंद्र सोनवणे, हर्षवर्धन वाघ, अल्पेश यादव, प्रीती शिरसाठ, विनोद धनगर, हेमंत शिरसाठ, लुकेश सिसोदिया या खेळाडूंनी राज्य, राष्ट्रीय, विद्यापीठस्तरावर उत्कृष्ट कामगिरी केल्याबद्दल महाविद्यालयाच्यावतीने त्यांचा व त्यांच्या आई-वडिलांचा गौरव पुरस्काराने सन्मानित करण्यात आले.

प्रास्ताविक प्राचार्य डॉ.व्ही.एम. पाटील, सूत्रसंचालन भरत कोळी तर आभार प्रदर्शन प्रा. राधेश्याम पाटील यांनी केले.