सरकारी रुग्णालयात मोफत तर खाजगीमध्ये २५० रुपयांत लस

केंद्र शासनाने तिसऱ्या टप्प्यातील काेरोना लस आता सरकारी व खाजगी रुग्णालयांत उपलब्ध करून दिली आहे. त्यात आयुष्यमान भारतशी संलग्न असलेल्या महानगरातील १४ हॉस्पिटल, सरकारी नऊ रुग्णालयांत कोरोना लस उपलब्ध करून देण्यात आली आहे. त्यासाठी कोविन ॲपबाबत युझरनेम आणि पासवर्ड खासगी रुग्णालयांना देण्यात येणार आहे. खासगी हॉस्पिटलमधील प्रत्येक डोसची किंमत २५० रुपये असणार आहे. ६० वर्षांवरील सर्व व्यक्तींना लस देण्यात येईल, तसेच ४५ ते ५९ वयोगटांतील आजार असलेल्यांनाही लस दिली जाईल.

सरकारी रुग्णालये

१) जिल्हा रुग्णालय

२) दोंडाईचा उपजिल्हा रुग्णालय

३) शिरपूर रुग्णालय

४) शिंदखेडा रुग्णालय

५) साक्री रुग्णालय

६) महापालिकेतील काही रुग्णालये अशा काही सरकारी रुग्णालयांत शासनाकडून कोरोनाची लस देेेण्याची सुविधा उपलब्ध करून देण्यात आली.

खाजगी रुग्णालये

१) एसीपीएम

२) खान्देश

३) भतवाल

४) केशरानंद

५) सेवा हाॅस्पिटल

६) ओम हाॅस्पिटल

७) इन्स्टिट्यूट युरोलाॅजी, साक्री रोड

८) चंद्रकांत केले मेडिकल काॅलेज

९) श्री विघ्नहर्ता हाॅस्पिटल

१०) देवरे ११) सिद्धेश्वर १२) सुधा हेल्थ केअर १३) देसले हाॅस्पिटल साक्री रोड १४) सुमालती हाॅस्पिटल साक्रीरोड, धुळे

६० वर्षांवरील नागरिकांना करावी लागेल नोंदणी

६० वर्षांवरील नागरिकांना लसीकरणाचा निर्णय घेतला आहे. यासाठी ॲप तयार केले आहे. या ॲपवर लसीकरण करणाऱ्यांची यादी उपलब्ध करून दिली जाणार आहे. यासाठी ऑनलाइन नोंदणी करावी लागेल.

पहिल्या टप्प्यातील साडेतीन हजार बाकी

पहिल्या टप्प्यात जिल्हा परिषद आरोग्य विभागातील डाॅक्टर, नर्स, आरोग्य कर्मचारी, अंगणवाडीसेविकांना कोरोना लस उपलब्ध करून देण्यात आली आहे. त्यात काही व्याधीग्रस्त, गरोदर महिला तसेच अन्य काहींनी लस घेतली नाही. त्यामुळे जिल्ह्यातील साडेतीन हजार कर्मचाऱ्यांना लस देणे बाकी आहे.