आदर्श विद्यालय कळमसरे येथे ध्वजारोहण

याबाबत सविस्तर वृत्त असे की ७५वा भारतीय प्रजासत्ताक दिन ध्वजारोहणास कळमसरे ग्रामपंचायतीच्या सरपंच सखुबाई भील, माजी सरपंच श्रीमती अन्नपूर्णाबाई गोसावी, उपसरपंच रवींद्र राजपूत, मुख्याध्यापक वाय. व्ही. पाटील, पोलीसपाटील विनय माळी व गावातील प्रतिष्ठित नागरिक उपस्थित होते. याप्रसंगी कोरोनायोद्धा म्हणून उत्कृष्ट कार्य करणाऱ्या आशा स्वयंसेविका व अंगणवाडी कार्यकर्तींचा सन्मान करण्यात आला. मांडळ येथील लीना तानाजी माळी, आशा स्वंयसेविका व अंगणवाडी सेविका मीना जगदीश सोनवणे, कळमसरे येथील आशा स्वंयसेविका, कविता सुनील शिरसाठ, सीमा रवींद्र राजपूत व अंगणवाडीसेविका, तापाबाई भिवसन माळी व योगिता पंडित माळी, अजंदे येथील आशा स्वयंसेविका, प्रतिभा गणेश माळी व अंगणवाडी सेविका, सुरेखा रमेश पाटील, प्रतिभा भगवान कोळी, तसेच पोलीस दलातील गोविंद रमेश बोरसे, वैज्ञानिक सहायक, फॉरेन्सिक लॅब नाशिक, माजी विद्यार्थी व सेनादलातील सुभेदार, संजय रघुनाथ निकम ,यांचा विद्यालयाकडून मान्यवरांच्या हस्ते स्नेहवस्त्र व गुलाबपुष्प देऊन सन्मान करण्यात आला.

कळमसरे ग्रामपंचायतीच्या सरपंच सखूबाई भिल यांचा ही याप्रसंगी वैशाली सोनवणे यांच्या हस्ते सत्कार करण्यात आला, माजी जनरल मॅनेजर, कॉटन फेडरेशन, व म. फुले विद्या प्रसारक संस्था धुळेचे संचालक, कै. दंगलराव रतन महाजन, रा. कापडणे यांच्या स्मरणार्थ इयत्ता आठवी, नववी व इयत्ता दहावी या वर्गात प्रथम व द्वितीय पटकविणाऱ्या गुणवंत विद्यार्थ्यांसाठी श्री प्रशांत महाजन यांच्याकडून पारितोषिक सुरू करण्यात आले. त्याचे आज वितरणही करण्यात आले. यात इयत्ता आठवीतील गणेश माळी, दीपाली पाटील, इयत्ता नववी भूमिका पाटील ,भूमीका भारती, व इयत्ता दहावीतील संजना माळी, सायली गोसावी, यांना रोख बक्षिसे मान्यवरांच्या हस्ते देण्यात आले. कार्यक्रमाच्या शेवटी विद्यार्थ्यांना खाऊ वाटप करण्यात आले.

कार्यक्रमास इयत्ता आठवी ते दहावीचे विद्यार्थी व पालक हजर होते. कार्यक्रम यशस्वी करण्यासाठी मुख्याध्यापक वाय. व्ही. पाटील यांच्या मार्गदर्शनाखाली सर्व शिक्षक व शिक्षकेतर कर्मचारी बंधू-भगिनी यांनी सहकार्य केले. कार्यक्रमाचे नियोजन व सूत्रसंचालन क्रीडाशिक्षक ए. डी. महाजन यांनी केले.