थाळनेर महाविद्यालयात जागतिक हवामान दिवस ऑनलाइन साजरा

प्रा. सोंडगे म्हणाले की, हवामानाबद्दल संपूर्ण जगातील लोकांमध्ये जागृती निर्माण व्हावी लहान मुलांपासून ते वयोवृद्धांपर्यंत सर्वांनाच हवामानाचे महत्त्व समजावे हा हवामान दिवस साजरा करण्यामागचा प्रमुख उद्देश आहे. दरवर्षी जागतिक हवामान संघटना एक थिम जाहीर करते त्यानुसार वर्षभर त्या थिमवर आधारित कार्यक्रम आयोजित केले जातात. या वर्षाची थिम महासागर, हवामान व वातावरण ही असून महासागराची प्रदूषणापासून सुरक्षा, जागतिक तापमानवाढ व हरितगृह परिणाम कमी करून हवामान समतोल राखून वातावरण दूषित होण्यापासून आपल्या सर्वांना योगदान द्यावे लागणार असल्याचे प्रा. सोंडगे म्हणाले. प्रभारी प्राचार्य डॉ. जी. जे. गावीत म्हणाले की, जागतिक हवामान दिवसाच्या निमित्ताने जगभरात विविध कार्यक्रम आयोजित केले जातात. त्यातून हवामान संवर्धनाविषयी जनजागृती केली जाते. वर्तमान काळात हवामानात वेगाने बदल होत असून दुष्काळ, गारपीट अवेळी पाऊस थंडीची लाट व उष्ण तापमान यांची तीव्रता वाढली आहे. प्रास्ताविक व सूत्रसंचालन प्रा. एस. एस. राठोड यांनी केले. विद्यार्थी विकास विभाग अधिकारी प्रा. झुंजारराव यांनी आभार मांडले. कार्यक्रमाला मोठ्या संख्येने राष्ट्रीय सेवा योजना व महाविद्यालयाचे विद्यार्थी ऑनलाइन उपस्थित होते.