कोविड रुग्णांकडून अव्वाच्या सव्वा बिल, ३१ रुग्णांलयांना ऑडीटबाबत नोटीसा!

गेल्या आठवड्यापासून कोरोना रुग्णालयातून बाधित असलेले रुग्ण मोठ्या प्रमाणावर घरी सोडले जात आहे. ही समाधानाची बाब असलीतरी त्याचवेळेस त्या रुग्णांसह त्यांच्या नातेवाईकांकडून अव्वाच्या सव्वा बिलाची आकारणी होत आहे. तशा तक्रारी देखील महापालिकेकडे येत असल्याने काही रुग्णालयात पथकाने धाड टाकून बिलाची रक्कम देखील कमी करुन रुग्णांच्या नातेवाईकांना दिलासा दिला हाेता. पण, यानंतर सर्वच रुग्णालयांना ऑडिटबाबत नोटीस देण्यात आलेल्या आहेत.

नोटीसमध्ये प्रामुख्याने या बाबींचा समावेश

रुग्णालयांना महापालिका प्रशासनाने ऑडीटबाबत नोटीस दिल्यानंतर त्यात रेट बोर्ड लावणे, बेड किती याचा उल्लेख आणि बिलांच्या तपासणीचा संदर्भ देण्यात आलेला आहे.

८ तक्रारीचा निपटारा

महापालिकेकडे तक्रार आल्यानंतर पथक जाण्यापूर्वीच रुग्णांचा प्रश्न सुटलेला होता. त्यामुळे पथकाला जावून ८ तक्रारीवर कारवाई करण्याचा कटू प्रसंग आला नाही.

१७ रुग्णांना झाला फायदा

वाढीव बिल घेत असल्याची तक्रार महापालिकेकडे प्राप्त झाल्यानंतर पथकाने धाड टाकली. करण्यात आलेल्या बिलाची आकारणी याची तपासणी केली. ३७ लाख ७० हजार ९५० रुपयांवरुन १६ लाख ९४ हजार १५० रुपये इतके बिल कमी करुन दिले आहे.

कोरोनाचा प्रादुर्भाव सुरु झाल्यापासून स्वतंत्रपणे काही रुग्णालयांनी केवळ कोरोनाबाधितांना घेण्याचे धोरण आखले. त्यांच्यावर उपचार केला जात असलातरी त्यांचे डिस्चार्ज केल्यावर बिलांची मोठी रक्कम रुग्ण आणि त्यांच्या नातेवाईकांकडे मागितली जात आहे. जवळपास ही बिले लाखांच्याखाली नसल्याचेही समाेर आले आहे.