शाळा इमारतीसाठी वीस लाखांचा निधी

तुळजापूर : येथील नगरपालिका शाळा क्र. ३ मध्ये विद्यार्थ्यांच्या वाढत्या संख्येमुळे शाळेची इमारत तोकडी पडत आहे. त्यामुळे शाळा इमारत बांधकामासाठी तातडीने २० लाख रुपये निधी देण्याचे आश्वासन स्थानिक स्वराज्य संस्थेचे आमदार सुरेश धस यांनी दिले.

आमदार सुरेश धस यांनी तुळजापूर (खुर्द) येथील या शाळेला भेट देऊन संगणक प्रयोगशाळा, विज्ञान प्रयोगशाळा, सेंद्रिय खत, गांडूळ खत, परसबाग या उपक्रमांना भेटी देऊन इंटरॅक्टिव्ह बोर्डवर ऑनलाईन शिक्षणाची पाहणी केली. तसेच शाळेच्या गुणवत्तेचा आढावा घेतला. गुणवत्तेत सर्वप्रथम असणारे हे नाव आपण ऐकून होतो. परंतु, शाळेला आज भेट देण्याचा योग आला. तुळजापूरची ही मॉडेल शाळा पाहिल्यानंतर बीड जिल्ह्यामध्ये अशा धर्तीवर नगर पालिकेच्या शाळा आपण स्थापन करणार असल्याचे ते म्हणाले.

यावेळी नगराध्यक्ष सचिन रोचकरी, मुख्याधिकारी लक्ष्मण राठोड, विनोद गंगणे, भाजपा जिल्हाध्यक्ष ॲड. नितीन काळे, नगरसेवक पंडितराव जगदाळे, मंजुषा देशमाने, विजय कंदले, चंद्रकांत कणे, अमर मगर, सचिन पाटील, किशोर साठे, सुनील रोचकरी, नागेश नाईक, विशाल रोचकरी, अविनाश गंगणे, सुहास साळुंके, गुलचंद व्यवहारे, नगर परिषद कार्यालयीन अधीक्षक वैभव पाठक, मुख्याध्यापक तुकाराम मोटे, सहशिक्षक अशोक शेंडगे, बालाजी साळुंके, विश्वजीत निडवंचे, सहशिक्षिका नीता गायकवाड, निर्मला कुलकर्णी, यास्मिन सय्यद आदी उपस्थित होते.

180821\42241630-img-20210818-wa0008.jpg

आ सुरेश धस यांची पालिका शाळेस भेट