तेर येथील दुकान फाेडले, आरणी शिवारातून म्हैस लंपास

उस्मानाबाद - शहरासाेबतच ग्रामीण भागातही चाेरटे धुमाकूळ घालत आहेत. २० ते २१ ऑगस्ट या कालावधीत अज्ञात चाेरट्यांनी आळणी शिवारातील गाेठ्यात बांधलेली म्हैस लंपास केली. तसेच तेर येथील माेटार रिवाइंडिंगचे दुकान फाेडले; तर उस्मानाबाद शहरातील घरासमाेर उभी केलेली दुचाकीही अज्ञाताने पळविली. या प्रकरणी अज्ञाताविरुद्ध ढाेकी तसेच आनंदनगर पाेलीस ठाण्यात गुन्हा दाखल करण्यात आला आहे.

याबाबत पाेलिसांकडून मिळालेली माहिती अशी की, उस्मानाबाद तालुक्यातील आरणी शिवारातील गाेठ्यात संजय लक्ष्मण घाेरपडे यांनी आपली म्हैस बांधली हाेती. गाेठ्यात काेणीही नसल्याची संधी साधत अज्ञाताने २० ऑगस्टच्या रात्री साधारणपणे साडेअकराच्या सुमारास सदरील म्हैस चाेरून नेली. ही घटना दुसऱ्या दिवशी उघडकीस आली. यानंतर घाेरपडे यांनी सर्वत्र शाेध घेतला. परंतु, म्हैस सापडली नाही. त्यामुळे त्यांनी ढाेकी पाेलीस ठाण्यात फिर्याद दिली. त्यावरून अज्ञात चाेरट्यांविरुद्ध गुन्हा दाखल करण्यात आला आहे.

दुसरी घटना तेर येथे घडली. वाघाेली येथील शेषेराव भीमराव खडके यांचे विद्युत माेटार रिवाइंडिंगचे दुकान आहे. नेहमीप्रमाणे रात्री दुकान बंद करून घरी गेले असता, अज्ञाताने दुकानाचा पत्रा उचकटून आत प्रवेश मिळविला. यानंतर आतील साडेसात अश्वशक्ती क्षमतेचा एक, पाच अश्वशक्ती क्षमतेचा एक, तीन अश्वशक्ती क्षमतेच्या एका पंपासह तांबे वायर एक किलाे लंपास केली. चाेरीची ही घटना दुसऱ्या दिवशी उघडकीस आल्यानंतर त्यांनी ढाेकी पाेलीस ठाण्यात फिर्याद दिली. त्यावरून अज्ञात चाेरट्यांविरुद्ध गुन्हा दाखल करण्यात आला आहे.

तिसरी घटना उस्मानाबाद शहरात घडली. लाेणी राेड परिसरातील अविनाश सुभाष राठाेड यांनी आपली दुचाकी घरासमोर उभी केली हाेती. आजूबाजूला काेणीही नसल्याची संधी साधत चोरट्याने सदरील दुचाकी लंपास केली. ही घटना १९ ऑगस्ट राेजी घडली. यानंतर त्यांनी दुचाकीचा सर्वत्र शाेध घेतला. परंतु, ती सापडली नाही. त्यामुळे त्यांनी आनंदनगर पाेलीस ठाण्यात फिर्याद दाखल केली. त्यावरून अज्ञाताविरुद्ध चाेरीचा गुन्हा दाखल करण्यात आला आहे.