पोलीस, वैद्यकीय कर्मचाऱ्यांना राखी बांधून रक्षाबंधन साजरा

भारतीय संस्कृतीमध्ये रक्षाबंधन हा भाऊ आणि बहिणीच्या पवित्र अशा प्रेमाचा सण आहे. आज विविध क्षेत्रांमध्ये कार्यरत असलेले भारतीय भाऊ कामामुळे आपल्या बहिणीकडे जाऊ शकत नाहीत. ही अडचण लक्षात घेऊन रोटरी क्लबच्या वतीने रविवारी उमरगा पोलीस स्टेशन व उपजिल्हा रुग्णालयातील कर्मचाऱ्यांसमवेत रक्षाबंधनाचा सण साजरा करण्यात आला. यावेळी उमरगा पोलीस स्टेशनचे पोलीस निरीक्षक मुकुंद आघाव, सर्व पोलीस कर्मचारी, उपजिल्हा रुग्णालयात डॉ. विक्रम आळंगेकर व त्यांचा सर्व स्टाफ यांना रोटरॅक्ट क्लबमधील वैष्णवी गुंजोटे, वृंदा चव्हाण, साक्षी मिलगिरे, केतकी औरदे, लक्ष्मी रूपनूर, भाग्यश्री बिराजदार, अंकिता कवठे आदी मुलींनी राखी बांधून रक्षाबंधन सण साजरा केला. यावेळी रोटरी क्लबचे अध्यक्ष डॉ. पंडित बुटूकणे, सचिव व्यंकट गुंजोटे, रोटेरियन शिवानंद दगडे, अनिल मदनसुरे, कुमार दळगडे आदी उपस्थित होते.