महसूल सहाय्यकास धक्काबुक्की

वडाचा तांडा परिसरात अवैधरित्या गाैण खनिजाचे उत्खनन हाेत असल्याची माहिती मिळाल्यानंतर तुळजापूर तहसील कार्यालयातील महसूल सहाय्यक लिपीक प्रवीण बांगर हे २७ डिसेंबर राेजी पथकासह घटनास्थळी पाेहचले. यावेळी तेथे विकास चव्हाण (रा. हंगरगा नळ) व अनिल राठाेड (रा. वडाचा तांडा) हे दाेघे एक्सकॅव्हेटर यंत्राच्या सहाय्याने गाैणखनिज उत्खनन करताना आढळून आले. यावर पथकाने संबंधित दाेघांवर कारवाई सुरू केली असता, त्यांनी पथकाशी हुज्जत घातली. एवढेच नाही तर त्यांना धक्काबुक्कीही केली. या प्रकरणी प्रवीण बांगर यांनी नळदुर्ग पाेलीस ठाण्यात फिर्याद दाखल केली. त्यावरून उपराेक्त दाेघांविरूद्ध लाेकसेवकाच्या शासकीय कर्तव्यात जाणीवपूर्वक अडथळा आणल्याच्या आराेपावरून गुन्हा दाखल करण्यात आला आहे. प्रकरणाचा अधिक तपास नळदुर्ग पाेलीस करीत आहेत.