रुग्णांसाठी सकस दाल खिचडीची पार्सल सेवा

उमरगा : दिवसेंदिवस कोरोना रुग्णाच्या संख्येत वाढ होत आहे. रुग्णांनी शहरातील दवाखाने भरलेले आहेत. रुग्ण, नातेवाईक व त्यांच्या सेवेत कार्य करणाऱ्यांना पौष्टिक आहार मिळावा या उद्देशाने श्री स्वामी समर्थ अन्नसेवा मंडळाच्या माध्यमातून सकस दालखिचडी पार्सल सेवेची सुरुवात बुधवार उपजिल्हा रुग्णालयाच्या पाठीमागे करण्यात आली. शहरातील सर्व कोविड रुग्णालयातील रुग्ण व नातेवाईक यांना या सेवेचा लाभ घेता येणार आहे.

काेराेनाचा संसर्क राेखण्यासाठी निर्बंध कठाेर केले आहेत. त्यामुळे हाॅटेलसह अन्य दुकाने बंद आहेत. त्यामुळे काेविड सेंटरमधील रुग्णांसह त्यांच्यासाेबत आलेल्या नातेवाइकांना वेळेवर जेवण मिळत नाही. ही बाब लक्षात घेऊन श्री स्वामी समर्थ अन्नसेवा मंडळाच्या माध्यमातून सकस दालखिचडी माेफत पार्सल सेवा सुरू करण्यात आली आहे. यासाठी प्रसिद्ध उद्याेजक सिद्रामपा चिंचोळे, विधिज्ञ मंडळाचे अध्यक्ष ॲड. दिलीप सगर, माजी अध्यक्ष ॲड. प्रवीण तोतला व अन्नसेवा मंडळाचे सदस्य यांच्या पुढाकाराने ही पार्सल सेवा सुरू करण्यात आली. डॉ. कपिल चंद्रकांत महाजन यांनी यासाठी आपली जागा उपलब्ध करून दिली. मोहन कोथिंबिरे, ॲड. अमित सांगावे, ॲड. शीतल चव्हाण, ॲड. अक्षय तोतला, ॲड. सिद्राम हंद्राळे, माहेश्वरी संघटनेचे शहराध्यक्ष दीपक लाहोटी, बसवराज वरकले, माजी मुख्याध्यपक अनिल धारूरकर, अशोक पतगे, मधुकर गुरव, विनायकराव माने, श्रीकांत हेड्डा, बाबूभाई बोअरवेलवाले, अमरसिंघ चौहान, आशिष भुतडा, शमीमसाब सास्तुरे, पिंटू कुलकर्णी आदी अन्नदातासह नगरसेवक एम. ओ. पाटील व साखरे जलकुंभ यांच्या वतीने मोफत पाणी, दिग्विजय गॅस एजन्सीज यांच्या वतीने मोफत गॅस सिलिंडर सेवा देण्यात येणार आहे. यासाठी गोवर्धन गोशाळेचे सचिव विठ्ठल तेलंग, माहेश्वरी संघटनेचे तालुकाध्यक्ष शिवप्रसाद लड्डा, उपाध्यक्ष श्रीकांत सोमाणी, मनीष सोनी, विष्णू पांचाळ, संजय लड्डा, विठ्ठलदास लड्डा, रामेश्वर सोमाणी, सचिन बिद्री, करण काळे, निखिल पवार, स्वप्निल पवार, रोहन फुके, अंबादास पवार, व्यंकटेश थोरे, रवी नळदुर्गकर, सागर नळदुर्गकर, चैतन्य कुलकर्णी, आनंद रखेलकर,

निनाद भडोळे, दीपक राठोड आदी यासाठी परिश्रम घेत आहेत.