उस्मानाबाद : प्रवाशांच्या सुविधेसाठी राज्य मार्ग परिवहन महामंडळाने दहा वर्षांपूर्वी बुकिंगची सोय केली आहे. मात्र अनेकांना यासंदर्भात माहितीच नाही तर काहींना माहीत असूनही बुकिंग करण्याच्या भानगडीत पडत नसल्याचे चित्र आहे. त्यामुळे महामंडळाला यासंदर्भात जनजागृती करणे आवश्यक आहे.
एसटी महामंडळाने प्रवाशांसाठी व ऑनलाईन बुकिंगची सुविधा उपलब्ध केली आहे. त्यामुळे प्रवाशांना घरबसल्या लांब पल्ल्याच्या बसेसचे आरक्षणाची आकडेवारी कमी असल्याचे चित्र आहे. सध्या खासगी वाहनांच्या संख्येत मोठी वाढ झाली आहे. त्यामुळे अनेकजण याकडे दुर्लक्ष करीत आहेत. खासगी वाहनांच्या बुकिंगसंदर्भात प्रवाशांना माहीत आहे.
असे करावे ऑनलाइन बुकिंग
महामंडळाने प्रवाशांच्या सोयीसाठी एका क्लिकवर तिकिटांचे आरक्षण आरक्षण करता यावे. यासाठी एमएसआरटीसी मोबाईल रिझर्व्हेशन ॲपची निर्मिती केली. या ॲपद्वारे प्रवाशांना हव्या त्या गाडीच्या तिकिटांचे आरक्षण करुन पैसे ऑनलाइन भरता येते.
वेळ अन् पैशाची बचत
एसटी महामंडळाच्या वतीने दहा वर्षांपूर्वी ऑनलाइन बुकिंगची प्रणाली विकसित करण्यात आली आहे. आता यापुढे जात मोबाईल ॲपची निर्मिती करण्यात आली आहे.
बुकिंगसाठी बसस्थानकातील सेंटरवर रांगेत थांबावे लागते. त्याउलट मोबाइल ॲप हा प्रवाशांसाठी सोयीचा आहे. या ऑनलाइन प्रणालीतून प्रवाशांचा वेळ, पैशाची बचत होत आहे. ग्रामीण भागात ऑनलाइन प्रणालीची माहिती नसल्याचे चित्र आहे.
रेल्वे प्रवास करताना ऑनलाइन तिकीट मिळत असल्याची माहिती आहे. मात्र एसटीचे तिकीटही ऑनलाइन होते. हे माहीतच नव्हते. तसेही आपण ग्रामीण भागात राहत असल्यामुळे एसटीचे बुकिंग करण्याची मुळीच गरज नाही.
महेश गायकवाड, प्रवासी
मी मागील २० वर्षांपासून एसटी बसने प्रवास करीत आहे. बसस्थानकात बस लागण्यापूर्वी अर्धा तास येऊन बसतो. बसमध्ये जागा उपलब्ध होते. नसेल तर उभे राहून प्रवास करतो. ऑनलाइन बुकिंगबाबत माहिती नाही.
रामदास गाडेकर, प्रवासी
कोट...
उस्मानाबाद आगारातून लांब व मध्यम पल्ल्याच्या बसेसचे ऑनलाइन बुकिंग केले जाते. उन्हाळी सुट्टी व सणासुदीच्या दिवसात ५० टक्के बुकिंग होते. तर इतर वेळी १० टक्के बुकिंग असते.
पांडुरंग पाटील, आगारप्रमुख, उस्मानाबाद