उदगीरात लॉजसमोर एकाचा खून, आरोपी पोलिसांच्या ताब्यात

एका लॉजसमोर ४० वर्षीय व्यक्तीचा मृत्यू झाल्याची घटना शनिवारी उघडकीस आली.

ठळक मुद्देकंबरेच्या बेल्टने व लाथाबुक्क्यांनी मारहाण करून खून केला

उदगीर (जि. लातूर) : येथील बिदर रोडवरील उड्डाण पुलाच्या बाजूला असलेल्या एका लॉजसमोर ४० वर्षीय व्यक्तीचा मृत्यू झाल्याची घटना शनिवारी उघडकीस आली. या प्रकरणी उदगीर ग्रामीण पोलीस ठाण्यात खुनाचा गुन्हा दाखल केला आहे. पोलिसांनी आरोपीस ताब्यात घेतले आहे.

पोलिसांनी सांगितले की, उमेश मुरलीधर उकंडे (रा.भालकी, जि.बिदर) याला बिदरगेटच्या उड्डाणपुलाजवळ असलेल्या लॉजमध्ये काम करणाऱ्या युवराज दिलीप पाटील (रा. हळद वाढवणा, ता.जळकोट) याने लॉजजवळ का बसलास, असे म्हणत कंबरेच्या बेल्टने व लाथाबुक्क्यांनी मारहाण करून जीवे मारल्याची फिर्याद मयताच्या आईने दिली. त्यावरून शनिवारी आरोपीविरुद्ध खुनाचा गुन्हा दाखल केला आहे. दरम्यान, पोलिसांनी आरोपी युवराज पाटील यास ताब्यात घेतले आहे.