उस्मानाबाद : राज्यात भारतीय जनता पार्टीच्या माध्यमातून युवकांचे संघटन बांधण्याचे काम सुरू आहे. विशेष म्हणजे युवकांचे संघटन करताना युवा नेता नको तर युवकांचा नेता असला पाहिजे, असे प्रतिपादन भारतीय जनता युवा मोर्चाचे प्रदेशाध्यक्ष विक्रांत पाटील यांनी केले.
युवा मोर्चाच्यावतीने येथे आयोजित युवा मेळाव्यात ते बोलत होते. यावेळी भाजप जिल्हाध्यक्ष नितीन काळे, युवा मोर्चाचे जिल्हाध्यक्ष राजसिंह राजेनिंबाळकर, प्रदेश सरचिटणीस राहुल लोणीकर, युवा वाॅरियर्सचे प्रदेश संयोजक अनुप मोरे, मराठवाडा संयोजक प्रेरणाताई होनराव, जिल्हा प्रभारी अरुण पाठक, ॲड. अनिल काळे, जिल्हा समन्वयक नेताजी पाटील, ॲड. नितीन भोसले, प्रदीप शिंदे, इंद्रजित देवकते, दिग्विजय शिंदे, अभय इंगळे, अजित पिंगळे, राजाभाऊ पाटील, राहुल काकडे आदीसह पदाधिकारी उपस्थित होते.
पाटील म्हणाले की, भाजपच्या फादर बॉडीचा एक गट तयार करून त्यांच्या माध्यमातून युवा मोर्च्याच्या कार्यकर्त्यांना मार्गदर्शन करण्यात यावे. त्यामुळे युवा कार्यकर्त्यांना योग्य दिशेने व झपाट्याने कार्य करण्यास गती मिळेल. तसेच युवा संघटनेत अनेक पदे देण्यात येतात. या पदाच्या माध्यमातून पदाधिकाऱ्यांनी युवा-युवतींचा आवाज होण्यासाठी व त्यांना न्याय देण्यासाठी प्रयत्न करावेत.
भाजपामध्ये काम करणाऱ्या व्यक्तीला मोठ्या पदावर काम करण्याची संधी मिळते. मात्र त्याच्यामध्ये ती धमक असली पाहिजे. विशेष म्हणजे आजपर्यंत आंदोलने केली असली तरी यापुढच्या काळात अनेक आंदोलने करावी लागणार असून त्यासाठी आक्रमक युवा आपल्याला घडवावे लागणार आहेत. बिगर राजकीय (नॉन पोलिटिकल) युवा वर्गाला जोडून घेणे आवश्यक असून यामध्ये खेळ, साहित्य, उद्योग व कला यासह विविध क्षेत्रातील युवकांचा समावेश करून मजबूत संघटन केले तरच युवावर्गाला जोडण्याची संकल्पना यशस्वी होऊ शकेल, असेही त्यांनी सांगितले. यावेळी जिल्हाध्यक्ष नितीन काळे, राहूल लोणीकर, जिल्हा प्रभारी अरुण पाठक आदींची भाषणे झाली. प्रास्ताविक युवा मोर्चाचे जिल्हाध्यक्ष राजसिंह राजेनिंबाळकर यांनी केले.
युवा मोर्चाची कार्यकारिणी जाहीर
यावेळी भाजयुमो जिल्हा कार्यकारिणी जाहीर करण्यात आली. यात मकरंद पाटील, सचिन घोडके (प्रदेश कार्यकारिणी सदस्य), अमित कदम, राहुल शिंदे, रोहित दंडनाईक, संताजी वीर, अभिराम पाटील, बाळासाहेब घोडगे, वैभव मुंडे, दिनेश बागल, प्रवीण घुले, फेरोज पठाण, अमोल माकोडे (जिल्हा उपाध्यक्ष), गणेश देशमुख, देवकन्या गाडे, ॲड. कुलदीपसिंह भोसले (सरचिटणीस), सचिन लोंढे (आत्मनिर्भर जिल्हा संयोजक), पूजा देडे (युवती प्रदेश कार्यकारिणी सदस्य), पूजा राठोड, (जिल्हा युवती प्रमुख), राज निकम, प्रितम मुंडे, गणेश इंगळगी, किशोर तिवारी, रियाज पठाण, नीलेश पाटील, प्रसाद पानपुडे, रामकृष्ण घोडके, गणेश एडके, श्रमिक पोद्दार, ओमकार देशमुख, बालाजी चव्हाण (चिटणीस), रोहित देशमुख (सह कोषाध्यक्ष),
विशाल पाटील, (विद्यार्थी जिल्हा संयोजक), संजय बोंदर (जिल्हासह संयोजक रोजगार), इंद्रजित साळुंके (स्वयंरोजगार जिल्हा संयोजक),
सलमान शेख, (आत्मनिर्भर जिल्हा सहसंयोजक), बापुराव नाईकवाडी (प्रसिध्दी प्रमुख), विठ्ठल चिकुंद्रे (सह प्रसिध्दी प्रमुख), बालाजी जाधव यांचा समावेश आहे.