डाॅक्टर, आराेग्य कर्मचाऱ्यांचा सत्कार

लोहारा शहरासह तालुक्यात कोरोनाच्या दुसऱ्या लाटेत रुग्णसंख्या वेगाने वाढत आहे. शहरातील दोन्ही कोविड सेंटरमध्ये रुग्ण मोठ्याप्रमाण उपचार घेत आहेत. त्यात रुग्णांना येथे जागा नसल्याने वेळप्रसंगी माकणी व जेवळी येथील कोविड सेंटरला रुग्ण पाठविण्याची वेळ आरोग्य विभागावर आली आहे. अशा परिस्थितीत डॉक्टर व आरोग्य कर्मचारी जीव मुठीत धरून कर्तव्य बजावत आहेत. त्यांच्या कार्याचा कुठेतरी सन्मान व्हावा, या उद्देशाने तहसीलदार संताेष रूईकर यांनी साेमवारी शहरातील डाॅ. बाबासाहेब आंबेडकर काेविड सेंटर तसेच आयटीआयच्या इमारतीतील काेविड सेंटरमध्ये जाऊन डाॅक्टर, आराेग्य कर्मचाऱ्यांचा सत्कार केला. याप्रसंगी ग्रामीण रुग्णालयाचे वैद्यकीय अधीक्षक डॉ. जी. के. साठे, आरोग्य कर्मचारी खंडू शिंदे, भागवत गायकवाड आदींची उपस्थिती हाेती.

फाेटाे ओळी...

लोहारा शहरातील आरोग्य कर्मचाऱ्यांचा सत्कार करताना तहसीलदार संतोष रुईकर. समवेत डॉ. जी. के. साठे, खंडू शिंदे, भागवत गायकवाड आदी.