दोनशे बेड्‌सच्या कोविड केअर सेंटरची मागणी

पत्रात म्हटले आहे की, मागील काही दिवसांपासून उमरगा व लोहारा तालुक्यात कोरोना आजाराचा प्रादुर्भाव मोठ्या प्रमाणात वाढत आहे. सध्या शासकीय व खासगी रुग्णालयात बेडचा तुटवडा जाणवत आहे. दिवसेंदिवस रुग्णसंख्येत वाढ होत असतानाच रुग्णालयात बेड शिल्लक नसल्यामुळे अनेक गंभीर रुग्णांना लातूर किंवा सोलापूर येथे रेफर करावे लागत आहे. तसेच ऑक्सिजन सिलिंडर व रेमडेसिविर इंजेक्शनचा कमालीचा तुटवडा निर्माण झाल्याने रुग्णालयात दाखल असलेल्या रुग्ण व नातेवाईकांची मोठी गैरसोय होत आहे. विशेषतः उमरगा तालुका हा सीमावर्ती भागातील असल्याने शेजारील कर्नाटक राज्यातील गुलबर्गा व बिदर जिल्ह्यातील अनेक रुग्ण येथे उपचारासाठी येत आहेत. या सर्व बाबींमुळे येथील परिस्थिती दिवसेंदिवस गंभीर होत चालली आहे.

यामुळे उमरगा व लोहारा येथे २०० बेड क्षमतेचे प्रत्येकी एक जम्बो कोविड केअर सेंटर उभारून या ठिकाणी मुबलक प्रमाणात ऑक्सिजन व आवश्यक त्या प्रमाणात रेमडेसिविर इंजेक्शन उपलब्ध करून द्यावे, अशी मागणी आ. चौगुले यांनी या पत्रात केली आहे.