कळंब : तालुक्यातील ताडगाव येथील सार्वजनिक जागेवरील माजी ग्रामपंचायत सदस्य यांनी केलेले अतिक्रमण हटवावे या मागणीसाठी भीम आर्मीने येथील पंचायत समिती कार्यालयासमोर शुक्रवारी लाक्षणिक उपोषण केले.
तालुक्यातील ताडगाव येथील एका माजी ग्रामपंचायत सदस्याने गावातील सार्वजनिक जागेवर अतिक्रमण केले आहे. त्याबाबत पंचायत समितीमधील अधिकाऱ्यांना ग्रामस्थांनी वारंवार निवेदन देऊनही कार्यवाही करण्यात आली नाही. त्यामुळे भीम आर्मीने ग्रामस्थांसह कळंब पंचायत समितीसमोर लाक्षणिक उपोषण आंदोलन आरंभिले आहे. मात्र, संबंधित अधिकाऱ्यांनी तत्काळ ते अतिक्रमण काढण्यासाठी आदेश दिले नाही तर तीव्र आंदोलन छेडण्यात येईल, असे भीम आर्मीचे प्रमुख अविनाश गायकवाड यांनी सांगितले.
आंदोलनात अविनाश गायकवाड, रमा आवाड, रंजना गायकवाड, सुनीता गायकवाड, केशरबाई आवाड, शकुंतला गायकवाड, आशा गायकवाड, कमल गायकवाड, ज्योती गायकवाड, सुमन बचुटे, प्रमोद आवाड, आकाश आवाड, मुकेश गायकवाड, विकास गायकवाड, अमोल कांबळे, शुभम कांबळे, आकाश गायकवाड, बाबासाहेब गायकवाड, अतिश गायकवाड, प्रमोद दाभाडे, बालाजी वाघमारे, अशोक गायकवाड, दत्ता गायकवाड, चंद्रवर्धन बचुटे, जयसिंग आवाड, बालाजी शिंदे, बालाजी आवाड, गोवर्धन आवाड, नवनाथ आवाड, संतोष ससाने, बंडू आवाड आदी सहभागी झाले आहेत.