स्थानिक विकास निधीतील रुग्णवाहिकेचे लोकार्पण

(फोटो : ओम राजे ०६)

उस्मानाबाद : खासदार ओमप्रकाश राजेनिंबाळकर यांच्या स्थानिक खासदार निधीमधून उपलब्ध करून दिलेल्या रुग्णवाहिकेचे लोकार्पण येथील पवनराजे कॉम्प्लेक्स येथे खा.ओमराजे निंबाळकर, शिवसेना जिल्हाप्रमुख तथा आ.कैलास घाडगे-पाटील, नगराध्यक्ष मकरंद राजेनिंबाळकर, भारत देशमुख, उपजिल्हाप्रमुख विजयकुमार सस्ते, शिवसेना तालुकाप्रमुख सतीशकुमार सोमाणी, जि.प. सदस्य बालाजी जाधवर, जिल्हा शल्यचिकित्सक डॉ.धनंजय पाटील आदींच्या हस्ते करण्यात आले.

कोरोनाच्या पार्श्‍वभूमीवर सामान्य रुग्णांना अनेक अडचणींना सामोरे जावे लागत आहे. विशेषतः उपचार आणि दवाखान्यापर्यंत पोहोचणेही अनेकांना अशक्‍य होते. रुग्णांची वेळेवर ने-आण करण्यासाठी रुग्णवाहिकांची संख्या कमी आहे. त्यामुळे रुग्णांना वेळेवर उपचार होण्यासाठी विविध सुविधांची गरज आहे. त्यात प्रामुख्याने रुग्णवाहिकांची उपलब्धता महत्त्वाची आहे. रुग्णांची ही गैरसोय दूर व्हावी, या अनुषंगाने नगरविकास व सार्वजनिक बांधकाममंत्री एकनाथ शिंदे यांच्याकडून व खासदार ओम राजेनिंबाळकर यांच्या स्थानिक खासदार निधीमधून दोन रुग्णवाहिका जिल्ह्यासाठी उपलब्ध झाल्या आहेत. याचे लोकार्पण यावेळी करण्यात आले.

कार्यक्रमास डॉ.जयप्रकाश राजेनिंबाळकर, नगसेवक सोमनाथ गुरव, शहरप्रमुख पप्पू मुंढे, माजी शहरप्रमुख प्रवीण कोकाटे, भीमा जाधव, बालाजी सुरवसे, दिलीप जावळे, विधानसभा संघटक तथा डिकसळचे उपसरपंच सचिन काळे, पंकज पाटील, ओंकार आगळे आदी शिवसेना, युवासेना पदाधिकारी, शिवसैनिक उपस्थित होते.