उस्मानाबाद : भरधाव कारने दुचाकीला जोराची धडक दिल्याने झालेल्या अपघातात एका व्यक्तीसह महिलेचा मृत्यू झाला़ ही घटना सोमवारी मध्यरात्रीच्या सुमारास उस्मानाबाद तालुक्यातील आळणी पाटी येथे घडली असून, या प्रकरणी ग्रामीण पोलीस ठाण्यात गुन्हा दाखल करण्यात आला आहे़
उस्मानाबाद तालुक्यातील आळणी येथील जेयमा भाऊसिंग चव्हाण, संतोष जेयमा चव्हाण व शालन संतोष चव्हाण हे तिघे सोमवारी मध्यरात्री दुचाकीवरून शेताकडे जात होते़ त्यांची दुचाकी (क्ऱएम़एच़१३-एस़५१४४) ही उस्मानाबाद- येडशी मार्गावरील आळणी पाटी जवळ आली असता भरधाव वेगातील कारने (क्ऱएम़एच़२५-आऱ७०१७) दुचाकीला पाठीमागून जोराची धडक दिली़
या अपघातात दुचाकीवरील जेयमा भाऊसिंग चव्हाण (वय-७२), शालन संतोष चव्हाण (वय-३०) या दोघांचा मृत्यू झाला़ तर संतोष जेयमा चव्हाण (वय-३५) हे जखमी झाले़ घटनेची माहिती मिळताच पोउपनि आशिष खांडेकर यांनी घटनास्थळी भेट देऊन पाहणी केली़ याबाबत साहेबराव जेयमा चव्हाण यांनी दिलेल्या फिर्यादीवरून कार चालकाविरूध्द ग्रामीण पोलीस ठाण्यात गुन्हा दाखल करण्यात आला आहे़ तपास पोउपनि अशिष खांडेकर हे करीत आहेत़