बिहारच्या सीवानमध्ये एका तरूणाला पेट्रोल टाकून जिवंत जाळल्याची खळबळजनक घटना समोर आली आहे. रिपोर्टनुसार, पीडित तरूण आपल्या प्रेयसीला भेटायला आला होता. आरोप आहे की, प्रेयसीच्या कुटुंबीयांनी पेट्रोल टाकून त्याला जिवंत जाळलं. ही घटना कन्हौली गावात घडली आहे. पीडित तरूणी पत्रकार आहे आणि तो गेल्या दोन वर्षांपासून प्रेयसीसोबत फोनवर संपर्कात आहे. तो तिला सीवानला भेटायला नेहमीच जात होता.
तरूणाला आगीत होरपळताना पाहून स्थानिक लोकांनी याची माहिती पोलिसांना दिली. पोलिसांनी घटनास्थळी पोहोचून त्याला हॉस्पिटलमध्ये दाखल केलं. घटनास्थळी असलेल्या लोकांनी सांगितलं की, आपल्या प्रियकराला वाचवण्याच्या प्रयत्नात प्रेयसीही भाजली गेली आहे. तरूणाचं नाव रामू कुमार आहे. तर तो यूपीच्या उरईचा राहणारा आहे. त्याची स्थिती गंभीर आहे. (हे पण वाचा : बॉर्डर क्रॉस करून पाकिस्तानात पळून जात होतं प्रेमी युगुल, पण...)
गावातील लोकांनुसार, प्रियकर रामू गुरूवारी आपल्या प्रेयसीला भेटायला तिच्या घरी आला होता. अशात प्रेयसीच्या कुटुंबीयांसोबत काही कारणांवरून त्याचा वाद झाला. वाद इतका वाढला की, प्रेयसीच्या कुटुंबीयांनी त्याच्यावर पेट्रोल टाकून त्याला जिवंत जाळलं आणि तो त्यात गंभीरपणे जखमी झाला आहे. त्याला वाचवण्याचा प्रयत्न करताना प्रेयसीही गंभीर भाजली आहे. तिच्यावरही उपचार सुरू आहेत.
तेच याप्रकरणी प्रेयसीची आई म्हणाली की, त्यांची मुलगी विवाहित आहे आणि कानपूरमध्ये राहते. जावाई सुद्धा आले होते. ते एक दिवस आधीच गेले होते. काही वेळाने रामू आला आणि घरात धिंगाणा घालू लागला होता. त्याने स्वत:वर पेट्रोल ओतून घेतलं आणि त्याने माझ्या मुलीवरही पेट्रोल टाकलं. त्यानंतर स्वत:च पेटवून घेतलं. आम्ही काही केलं नाही. (हे पण वाचा : प्रेयसीला पळवून नेणाऱ्या मित्राचे अपहरण; गळा आवळून केला खून, पिंपरीतील घटना)
सध्या पोलीस घटनेची चौकशी करत आहेत. तरूणाला कुणी पेटवलं आणि का पेटवलं हे अजून समजू शकलेलं नाही. याप्रकरणी सीवान पोलिसांनी सांगितलं की, आम्हाला सूचना मिळाली होती की, तरूणाला जाळण्यात आलं. पीडित तरूणाला उपचारासाठी हॉस्पिटलमध्ये दाखल केलं आहे.