Crime News : उत्तर प्रदेशच्या फतेहपूर जिल्ह्यात पोलिसांनी एका तरूणाच्या हत्येचा खुलासा करत तीन लोकांना अटक करून तुरूंगात पाठवलं आहे. पोलिसांनुसार, अटक करण्यात आलेल्या एका तरूणीचं लग्न मृत तरूणासोबत ठरलं होतं. पण तिला तिच्या प्रियकरासोबत लग्न करायचं होतं. लग्न ठरल्यानंतर प्रेयसीच्या होणाऱ्या पतीला संपवण्यासाठी प्रियकराने आपल्या साथीदारांसोबत मिळून प्लान केला. एका ठिकाणी त्याला बोलवून धारदार हत्याराने त्याचा गळा कापून त्याची हत्या केली.
तपस्वी नगर मोदी गार्डनमध्ये बुधवारी झालेल्या हत्येचा खुलासा पोलिसांनी 24 तासातच केला. त्यानंतर यात सामिल मृत व्यक्तीची होणारी पत्नी, तिचा प्रियकर आणि त्याच्या साथीदारांना अटक केली. पोलिसांनुसार तरूणीनेच तिच्या प्रियकरासोबत आणि त्याच्या साथीदारासोबत मिळून शत्रुघ्न पाल याची हत्या केली.
26 एप्रिलच्या रात्री 9 वाजता मलाका गावात राहणारा शत्रुघन पाल त्याचा मित्र छोटू पासवानसोबत बहुआ रोड मोदी मैदानात गेला होता. जिथे शत्रुघनला भेटण्यासाठी आलेल आरोपी महेश आणि त्याच्या मित्रांनी दारू प्यायली. दारू संपल्यावर छोटूला दारू आणण्यासाठी पाठवलं. यादरम्यान महेश आणि त्याच्या साथीदारांनी शत्रुघनची हत्या केली. जेव्हा छोटू परत आला तेव्हा मित्राला रक्ताच्या थारोळ्यात पाहून जोरजोरात ओरडला. तेव्हा दोन्ही आरोपी आपली बाइक सोडून मृतकाची बाइक घेऊन फरार झाले.
बाइकच्या नंबरवरूनच समजलं की, मृतकाच्या मोठ्या भावाने आपल्या मेहुणीसोबत मृतकाचं लग्न ठरवलं होतं. नंतर चौकशीतून समोर आलं की, तरूणीचा प्रियकर महेश आहे. एक वर्षापासून त्यांचं अफेअर सुरू होतं. अशात भाओजीने तिचं लग्न आपल्या भावासोबत ठरवलं. दोन महिन्यांनी लग्न होणार होतं. तेच पोलिसांनी हत्येचा खुलासा करत आरोपी महेश, तरूणी ननकी उर्फ अंजली आणि महेशच्या मित्राला अटक केली.