जयपूरच्या मुहानामध्ये प्रेम प्रकरणातून एका व्यक्तीची हत्या करण्यात आल्याची घटना समोर आली आहे. ही हत्या तेव्हा झाली जेव्हा एका महिलेचे दोन वेगवेगळे प्रियकर, महिलेचा पती आणि पतीची प्रेयसी यांचा आमना-सामना झाला. वैयक्तीत भांडणादरम्यान एका महिला गंभीरपणे जखमी झाला. तिला उपचारासाठी हॉस्पिटलमध्ये दाखल करण्यात आलं आहे.
पोलीस अधिकारी लखन सिंहने सांगितलं की, मंगळवारी सकाळी साधारण ६ वाजता मुहाना मंडी भागात रामझन शर्माच्या चहाच्या गाडीजवळ एक जखमी महिला आणि एक पुरूष असल्याची सूचना मिळाली. पोलिसांनी घटनास्थळी पोहोचून दोघांनाही उपचारासाठी हॉस्पिटलमध्ये दाखल केलं. त्यावेळी डॉक्टरांनी व्यक्तीचा मृत्यू झाल्याचं घोषित केलं. तर गंभीरपणे जखमी महिलेवर उपचार सुरू आहेत. (हे पण वाचा : 'मी तुझ्यासाठी जीवही देऊ शकतो'...म्हणत प्रेयसीसमोर प्रियकराने घेतला गळफास)
तपासातून समोर आलं की, जखमी महिला बसंती रैगर, गंगापूर शहरात राहणारी आहे. ती तिचा पती कन्हैया रैगर आणि मुलांसोबत मुहाना मंडी भागात राहत होती. सोमवारी रात्री उशीरा बसंतीचा एक प्रियकर मुकेश शर्मा मुहाना येथे आला. यादरम्यान बसंतीचा दुसरा प्रियकरही मोहनया धाकडही तिथे आला. तर बसंतीचा पती कन्हैयाची एक प्रेयसी कमली बावरिया सुद्धा त्याचवेळी मंडी परिसरात आली होती.
हे सगळे लोक दारूच्या नशेत होते आणि सगळे एकत्र एकाच ठिकाणी समोरा-समोर आल्याने त्यांच्यात वाद पेटला. भांडणादरम्यान बसंती गंभीरपणे जखणी झाली आणि तिचा एक प्रियकर मोहनया धाकड याचा मृत्यू झाला. पोलिसांना तपासादरम्यान जखमी महिला बसंतीचा पती कन्हैया आणि त्याची प्रेयसी कमली बावरिया हे नशेत असल्याचं दिसलं. त्यांना ताब्यात घेण्यात आलं आहे.
त्यांच्याकडे जखमी महिला बसंतीची २ वर्षीय मुलगीही आढळली. तिला पोलिसांनी देखरेखीसाठी चाइल्ड हेल्पलाइनकडे सोपवलं आहे. पोलिसांनी मृत मोहनयाचा मृतदेह पोस्टमार्टमसाठी महात्मा गांधी हॉस्पिटलमध्ये ठेवला आहे. ते जखमी महिलेवर उपचार सुरू आहेत. पोलीस कन्हैया कुमार आणि कमलीची चौकशी करत आहे. तर बसंतीचा दुसरा प्रियकर मुकेश शर्मा याचा पोलीस शोध घेत आहेत.