Crime News : उत्तर प्रदेशच्या बुलंदशहरच्या कालिंदी कुंजमध्ये शिक्षकमित्र हरेंद्र शर्माच्या हत्येचा धक्कादायक खुलासा झाला आहे. बुलंदशहर पोलिसांनुसार हत्या दुसरं कुणी नाही तर स्वत: त्याच्या पत्नीने तिच्या प्रियकरासोबत मिळून केली. कारण तिला तिच्या प्रियकरासोबत रहायचं होतं. मृत हरेंद्र शर्मा त्यांच्या नात्यात अडवणूक ठरत होता.
हरेंद्र शर्माची पत्नी नेहा ब्युटी पार्लर चालवत होती आणि तिची फेसबुकच्या माध्यमातून रवि नावाच्या बीटेक शिकणाऱ्या मुलासोबत झाली होती. दोघेही एकमेकांच्या जवळ आले आणि एकमेकांवर प्रेम करू लागले. दोघांनाही एकमेकांसोबत रहायचं होतं. पण हरेंद्र असताना हे शक्य नव्हतं. त्यामुळे दोघांनी हरेंद्रचा काटा काढण्याचा प्लान केला. 20 सप्टेंबर रोजी नेहा आणि रविने आधी हरेंद्रला नशेचं काहीतरी खाऊ घातलं.
जेव्हा त्याला नशा चढली तेव्हा त्याला विजेचा झटका देऊन मारला. नेहाने आपल्या सासरच्या लोकांना याची माहिती दिली की, हरेंद्रला हार्ट अटॅक आला. ज्यामुळे त्याचा मृत्यू झाला. पण जेव्हा कुटुंबियांना संशय आला तेव्हा पोलिसांना याची माहिती दिली. पोलिसांनी आजूबाजूला विचारणा केली तेव्हा समोर आलं की, मृत हरेंद्रची पत्नी नेहा आणि तिचा प्रियकर रविने मिळून हरेंद्रला मारलं.
या हत्याकांडाचा खुलासा करताना पोलिसांनी सांगितलं की, हरेंद्रच्या पत्नीने सांगितलं की, त्याचा मृत्यू हार्ट अटॅकने झाला होता. त्यानंतर त्यांना अंत्यसंस्कारासाठी नेण्यात येत होतं. तेव्हाच कुटुंबियांना संशय आला होता. त्यानंतर बॉडी पोस्टमार्टमसाठी पाठवली. त्यानंतर पोलिसांनी वेगवेगळ्या लोकांची चौकशी केली. चौकशीतून समोर आलं की, पत्नी आणि रविने त्याची हत्या केली.
मृतकाला एक नशेचं औषध देण्यात आलं. त्यानंतर त्याला विजेचा झटका दिला. त्यात त्याचा मृत्यू झाला. आपल्यावर आळ येऊ नये म्हणून पत्नीने सांगितलं की, पतीला हार्ट अटॅक आला. पण चौकशी केली तेव्हा सगळा खुलासा झाला. पोलिसांनी आरोपींना अटक केली.