भुवनेश्वर : फूड डिलिव्हरी बॉयने प्रेयसी आणि प्रियकराच्या भांडणात मथ्यस्ती करत भांडण सोडविण्याचा प्रयत्न केला. मात्र, प्रेयसीने त्यालाच शिवीगाळ केली. त्यामुळे राग अनावर झालेल्या डिलिव्हरी बॉयने प्रियकरासमोरच प्रेयसीला मारहाण केली. ही धक्कादायक घटना ओडिशामधील भुवनेश्वरमध्ये घडली असून सध्या या घटनेचा व्हिडिओ सोशल मीडियावर व्हायरल होत आहे.
ओडिशातील इंदिरा गांधी पार्कमधून बाहेर पडल्यानंतर प्रेयसीचा प्रियकरासोबत वाद निर्माण झाला. व्हिडिओमध्ये ती तिच्या प्रियकराला शिवीगाळ करताना दिसत आहेस. त्याचप्रमाणे त्याला मारहाण करण्याचा प्रयत्न देखील केला. इतकंच नाहीतर प्रियकरावर तिने दगडफेक केली. घटनास्थळी जमलेल्या लोकांनी त्यांचा वाद आपल्या मोबाईलच्या कॅमेऱ्यात कैद केला. त्यानंतर तरुणी आणखी चिडली आणि घटनास्थळावरील लोकांचा फोन हिसकावून घेण्याचा प्रयत्न केला.
डिलिव्हरी बॉय हस्तक्षेप करून कपल्सचं भांडण मिटवण्याचा प्रयत्न केला. त्यानंतर मुलगी आणखी भडकली आणि तिने अपशब्द वापरण्यास सुरुवात केली. त्याला शिवीगाळ केल्यानंतर तो देखील संतापला. तरुणी प्रियकराला बाजूला करून डिलिव्हरी बॉयसोबत भांडण करत बसली. शेवटी राग अनावर झाल्याने डिलिव्हरी बॉयने तिला मारहाण करण्यास सुरुवात केली. व्हिडिओमध्ये तो तिला धक्काबुक्की करताना दिसत आहे. त्यानंतर घटनास्थळावरील लोकांनी हे प्रकरण थांबवण्याचा प्रयत्न केला. याबाबत कोणीही अद्यापही पोलिसांत तक्रार दाखल केली नाही. मात्र, भुवनेश्वर पोलिसांनी स्वतः दखल घेतली असून दोन्ही गटांनी एकमेकांना मारहाण केल्यामुळे तपास अधिकाऱ्याला दोघांविरोधात गुन्हा दाखल करण्याचे आदेश दिले आहेत, असं भुवनेश्वरचे पोलीस अधिकारी उमाशंकर दास म्हणाले.