ठळक मुद्देभांडुपच्या कुकरेजा कॉम्प्लेक्समध्ये आज सकाळी तीन कार जळून खाक पार्क केलेल्या निसान, महिंद्रा केयूवी आणि होंडा सिटी या 3 गाड्यांना आग या गाड्यांना आग लावली गेली होती का? याचा तपास भांडुप पोलीस करीत आहेत
मुंबई - ठाण्यात 1८ बाईक्स जाळण्याची घटना ताजी असतानाच भांडुपच्या कुकरेजा कॉम्प्लेक्समध्ये आज सकाळी तीन कार जळून खाक झाल्याने एकच खळबळ उडाली आहे. मुंबईसह ठाण्यात दुचाकी वा चारचाकी वाहनांचे जळीतकांड सत्र सुरुच आहे. आज दुपारी बाराच्या सुमारास कुकरेजा कॉम्प्लेक्स परिसरात पार्क केलेल्या निसान, महिंद्रा केयूवी आणि होंडा सिटी या 3 गाड्यांना आग लागलेली होती. काही नागरिकांनी पाहताच अग्निशमन दलाच्या जवानांना पाचारण केले. यानंतर त्वरित अग्निशमन दलाचे जवान घटनास्थळी दाखल झाले. अग्निशमन दलाच्या गाड्या घटनास्थळी पोहोचून ही आग विझवली. परंतु तोपर्यंत या गाड्यांचा अर्ध्याअधिक भाग जळून त्या भस्मसात झाल्या होत्या. दरम्यान या गाड्यांना आग लावली गेली होती का? याचा तपास भांडुप पोलीस करीत आहेत.