कोपरगाव : (जि. अहमदनगर) तालुक्यातील माहेगाव देशमुख येथील गोदावरी नदी पात्रातून विनापरवाना वाळूची चोरटी वाहतूक करणारा ट्रक्टर कोपरगाव तालुका पोलसांनी शनिवारी (दि.४) पहाटे २ वाजताच्या सुमारास कारवाई करीत पकडला. या प्रकरणी पोलीस कॉन्स्टेबल जयदीप गवारे यांनी आकाश राजेंद्र मदने ( वय २३, वर्षे रा. महेश्वरनगर, कोळपेवाडी ता. कोपरगाव) यांच्या विरुद्ध तालुका पोलीस ठाण्यात गुन्हा दाखल केला आहे.
या कारवाईत स्वराज कंपनीच्या विना क्रमांकाच्या २ लाख ५० हजार किमतीच्या ट्रक्टर-ट्रोलीसह १० हजार किमतीची वाळू अस एकूण २ लाख ६० हजारांचा मुदेमाल पोलिसांनी जप्त केला आहे. हि कारवाई पोलीस निरीक्षक वासुदेव देसले यांच्या मार्गदर्शनाखाली पोलीस हेड कॉन्स्टेबल आप्पासाहेब वाखुरे, पोलीस कॉन्स्टेबल जयदीप गवारे, अंबादास वाघ यांनी केली.