बिहारच्या जमुईमध्ये एक नवरी लग्न लागण्यापूर्वीच प्रियकराबरोबर फुर्रर्र झाल्याची घटना घडली आहे. तिच्या दरवाजावर वरात आली होती, नवरदेवाकडील मंडळी डीजेवर नाचत होती. नवरदेव स्वागतात व्यस्त होता. हीच संधी साधून नवरीमुलगी पळाल्याची घटना घडली आहे.
नवरदेव वरातीसह येत असताना तिचा प्रियकर घराच्या शेजारी येऊन थांबला होता. इतर बघ्यांमध्ये मिसळला होता. याचवेळी नवरदेवाच्या स्वागतासाठी तिच्या घरचे गेले आणि व्यस्त झाले. या कोणाचे लक्ष नाहीय हे पाहून तिने तोंड धुवून येते असे सांगितले आणि घरच्यांची नजर चुकविली. तिथून बाहेर पडत तीने बाहेर वाट पाहत असलेल्या प्रियकरासोबत पलायन केले.
या दोघांचे दोन वर्षांपासून प्रेमसंबंध होते. यामुळे या दोघांना हे पाऊल उचलावे लागले. या घटनेमुळे गावात खळबळ उडाली. नवरी पळाल्याची माहिती जेव्हा नवरदेवाला समजली तेव्हा त्याच्या पायाखालची वाळूच सरकली होती. तो झारखंडहून वरात घेऊन आला होता. त्याला खाली हाथच माघारी जावे लागले. पोलिस ठाण्यात याबाबत तक्रार करण्यात आली आहे. यानंतर पोलिसांनी प्रियकराच्या आईला चौकशीसाठी बोलावले होते. दोघांनाही लवकरच पकडू असे पोलिसांनी सांगितले आहे.
लग्न १३ मार्चला होणार होते. परंतू काही कारणामुळे ते १४ मार्चला ठरविण्यात आले. लग्नाची तयारीही पूर्ण झाली होती. रात्री ११ वाजण्याच्या सुमारास वरात आली होती. डीजेने त्यांचे स्वागत करण्यात आले होते. यामुळे वरातीदेखील धुंद होऊन नाचत होते.