इंदूरच्या राजा रघुवंशी याच्या हत्येप्रकरणी मेघालय न्यायालयाने गुरुवारी आरोपी पत्नी सोनम रघुवंशी आणि तिचा बॉयफ्रेंड राज कुशवाह यांची पोलीस कोठडी दोन दिवसांसाठी वाढवली. याशिवाय, इतर ३ आरोपी आकाश राजपूत, विशाल सिंह चौहान आणि आनंद यांना १४ दिवसांची न्यायालयीन कोठडी सुनावण्यात आली आहे. याच दरम्यान आता राजा रघुवंशीच्या ज्योतिषाने एक अतिशय धक्कादायक दावा केला आहे. सोनमचे समलैंगिक संबंध असू शकतात असं म्हटलं आहे. याआधी ज्योतिषाने जे काही दावे केले होते ते सर्व खरे ठरल्याचं कुटुंबीयांचं म्हणणं आहे.
राजाच्या कुटुंबीयांनी दिलेल्या माहितीनुसार, ज्योतिषी अजय दुबे यांनी त्यांच्या कुटुंबाबाबत केलेली बहुतेक भविष्यवाणी खरी ठरली आहे. राजा रघुवंशी हत्या प्रकरणातत अजय दुबे म्हणाले की, राजाच्या कुटुंबाने त्यांच्या मुलाची पत्रिका सोनमच्या पत्रिकेशी जुळवली होती. त्यावेळी त्यांनी राजाच्या कुटुंबाने विचारलेल्या प्रश्नांची उत्तरंही दिली होती, जी बऱ्याच अंशी बरोबर ठरली.
धक्कादायक! "लग्न ठरल्यानंतर सोनम दिवसातून फक्त..."; राजा रघुवंशीच्या मित्राचा मोठा खुलासा
"सोनमचे तिच्या मैत्रिणीशी समलैंगिक संबंध”
राजाच्या हत्येनंतर सोनम जिवंत आणि सुरक्षित असल्याचं सांगितलं होतं. हत्येमध्ये तीन, चार लोक आणि महिला सामील आहे, ती महिला तुमची सून सोनम आहे असं देखील ज्योतिषाने राजाच्या कुटुंबाला सांगितलं होतं. अजय दुबे यांनी दावा केला आहे की, "या हत्येत आणखी एक महिला सामील आहे. लवकरच दुसरी महिला समोर येईल. दुसरी महिला सोनमची मैत्रीण असू शकते. सोनमचे तिच्या मैत्रिणीशी समलैंगिक संबंध असू शकतात. तिच्या पत्रिकेवरून असं दिसून येतं की तिला मुलींमध्ये रस आहे."
बनावट मृतदेह, संजय वर्मा...; राजा रघुवंशीच्या हत्येसाठी सोनम आणि राजचं खतरनाक प्लॅनिंग
"आम्ही कोणतंही पाप केलेलं नाही..."; नार्को टेस्टच्या मागणीवर सोनम रघुवंशीचा भाऊ संतापला
पत्रिकेत होता मृत्युयोग
सोनमच्या कुटुंबाने राजाच्या कुटुंबाला फसवलं आहे. पत्रिकेत मृत्युयोग होता, सोनमच्या कुटुंबाने राजाच्या कुटुंबाला याबद्दल माहिती दिली नव्हती. जर राजाच्या कुटुंबाला मृत्युयोगाची माहिती दिली असती तर त्यांनी उपाय केले गेले असते आणि ही घटना घडली नसती. सोनमचे गेल्या २ वर्षांपासून प्रेमसंबंध होते. ती खूप हट्टी आमुलगी आहे. तिच्या पत्रिकेत राहूयोग होता, म्हणून ती तिला जे हवं ते करायची. सोनमची पत्रिका पाहता, तिला हवं असलेले ध्येय साध्य करण्यासाठी ती कोणत्याही थराला जाऊ शकते हे उघड झालं आहे असं ज्योतिषी अजय दुबे म्हणाले आहेत.