कर्नाटकातील बेंगळुरूमध्ये रागाच्या भरात एका तरुणाने क्रूरतेच्या सर्व सीमा ओलांडल्या आहेत. सासरच्या मंडळींनी फिरायला जाण्यासाठी स्कूटर देण्यास नकार दिल्याने संतापलेल्या जावयाने पत्नी, सासू आणि सासऱ्याच्या अंगावर पेट्रोल ओतून त्यांना जिवंत पेटवून दिले. या थरारक घटनेमुळे संपूर्ण बेंगळुरू शहरात खळबळ उडाली.
बेंगळुरूच्या ताराबानहल्ली परिसरात राहणारी २७ वर्षीय सुमलता ही घरकाम करून आपल्या कुटुंबाचा उदरनिर्वाह करते. रविवारी तिचा पती, पांडुरंगा (वय-३२, रा- नंदिनी लेआउट) हा तिच्या घरी आला. पांडुरंगाने सुमलताकडे तिची स्कूटर मागितली. मात्र, काही कारणास्तव सुमलताने स्कूटर देण्यास नकार दिला. या किरकोळ कारणावरून दोघांमध्ये जोरदार भांडण सुरू झाले. वाद वाढत असल्याचे पाहून सुमलताच्या आई-वडिलांनी मध्यस्थी करण्याचा प्रयत्न केला. मात्र, यामुळे संतापलेल्या पांडुरंगाने स्वतःसोबत आणलेल्या बाटलीतील पेट्रोल काढले आणि काही कळण्याच्या आत सुमलतासह तिच्या आई-वडिलांवर ओतले. तसेच तिघांनाही पेटवून दिले.
घरातून आगीच्या ज्वाळा आणि ओरडण्याचे आवाज ऐकताच शेजाऱ्यांनी धाव घेतली आणि आग विझवण्याचा प्रयत्न केला. शेंजाऱ्यांनी त्यांना ताबडतोब जवळच्या रुग्णालयात दाखल केले. मात्र, या हल्ल्यात तिघेही गंभीररित्या होरपळले असून त्याची प्रकृती चिंताजनक असल्याचे डॉक्टरांनी म्हटले आहे. या घटनेनंतर आरोपी घटनेनंतर आरोपी पांडुरंगा घटनास्थळावरून पसार झाला.
या घटनेची माहिती मिळताच सोलादेवनहल्ली पोलिसांनी घटनास्थळी धाव घेऊन पंचनामा केला. आरोपीविरोधात भारतीय न्याय संहितेच्या संबंधित कलमान्वये खूनाचा प्रयत्न (कलम १०९) आणि गुन्हेगारी धमकी (कलम ३५१-२) अंतर्गत गुन्हा दाखल केला असून रविवारी पोलिसांनी त्याला अटक केली आहे. याप्रकरणी पोलीस अधिक तपास करीत आहे.
Web Summary : In Bengaluru, a man, denied a scooter by his in-laws, doused his wife and her parents with petrol and set them on fire. All three are critically injured. The accused is arrested.
Web Summary : बेंगलुरु में स्कूटर देने से इनकार करने पर एक व्यक्ति ने अपनी पत्नी और ससुराल वालों पर पेट्रोल डालकर आग लगा दी। तीनों गंभीर रूप से घायल हैं। आरोपी गिरफ्तार।