पाकिस्तानच्या (Pakistan) लाहोरमधून (Lahore) एक धक्कादायक आणि हैराण करणारी घटना समोर आली आहे. इथे एका सब-इन्स्पेक्टरने महिलेसमोर आपले कपडे काढले आणि तिला प्रायव्हेट पार्ट (Policeman Shows Private Part To Woman) दाखवला. हा पोलीस अधिकारी इतक्यावरच थांबना नाही तर त्याने महिलेला घाणेरड्या शिव्याही दिल्या. घटनास्थळी उपस्थित लोकांनी या घटनेचा व्हिडीओ काढला. हा व्हिडीओ सोशल मीडियावर व्हायरल झाला आहे.
ही घटना लाहोरच्या शादबाग पोलीस स्टेशनमध्ये घडली. आरोपी सब-इन्स्पेक्टर पोलीस टिमसोबत पीडित महिलेच्या दोन मुलांना अटक करण्यासाठी गेला होता. जेव्हा महिलेने पोलिसाला रोखण्याचा प्रयत्न केला आणि आपल्या मुलांचा गुन्हा विचारला तेव्हा सब-इन्स्पेक्टरला राग आला. तो महिलेला शिव्या देऊ लागला होता. यानंतर त्याने आपले कपडे काढले.
सोशल मीडियावर व्हिडीओ व्हायरल झाल्यानंतर लाहोर पोलीस प्रशासनाने आरोपी सब-इन्स्पेक्टर विरोधात कारवाई केली आणि त्याला सस्पेंड केलं. आरोपीला अटक करण्यात आली आहे. डीआयजी साजिद कयानी म्हणाले की, या प्रकरणाच्या चौकशीत आरोपी सब-इन्स्पेक्टर दोषी आढळून आला आहे. त्यानंतर त्याला सस्पेंड करण्यात आलंय. तिच्या विरोधात कठोर कारवाईक केली जात आहे.
दरम्यान पोलीस पीडित महिलेच्या दोन मुलांना अटक करण्यासाठी गेले होते. पण जेव्हा महिलेने त्यांना रोखण्याचा प्रयत्न केला तेव्हा पोलिसांनी महिलेलाही पोलीस व्हॅनमध्ये बसवलं आणि पोलीस स्टेशनला घेऊन गेले.
तेच सब इन्स्पेक्टरने आपल्या स्पष्टीकरणात सांगितलं की तो परिसरात हवेत फायरिंगचा आवाज ऐकून तिथे पोहोचला होता. जेव्हा तो आरोपींना अटक करत होता तेव्हा आरोपीच्या भावाने आणि आईने त्यांना वाचवण्याचा प्रयत्न केला. त्यांनी पोलिसांच्या कामात अडथळा निर्माण केला.