अहमदाबाद - गुजरातमध्ये न्यू मणिनगर येथे एका नर्सने आत्महत्या केली आहे. अहमदाबाद येथील सिव्हिल रुग्णालयात काम करणाऱ्या नर्सने सोमवारी तिचे आई-वडील राहत असलेल्या इमारतीच्या दहाव्या मजल्यावरुन उडी मारून आत्महत्या केली. याप्रकरणी एका पोलीस अधिकाऱ्याने माहिती दिली की, २८ वर्षीय ही नर्स गेल्या तीन वर्षांपासून मानसिकदृष्ट्या त्रस्त होती, मृत नर्सचे आई-वडील हे कर्णावती रिव्हर इमारतीत दहाव्या मजल्यावर राहतात. तिथूनच तिने उडी मारली.'
पोलिसांच्या म्हणण्यानुसार, या महिलेचे लग्नही झाले होते आणि ती आपल्या पतीसमवेत सीटीएम परिसरात राहत होती, परंतु काही दिवसांपूर्वी ती तिच्या पालकांकडे परत आली होती. कारण तिला मानसिक त्रास होत होता. दरम्यान, तिने हे पाऊल का उचलले? याबाबत सध्या तपास सुरू आहे. या प्रकरणी तिच्या कुटूंबीयांकडून कोणताही प्रतिक्रिया देण्यात आलेली नाही. पोलीस आत्महत्या का केली याचे कारण शोधत आहेत.
तीन वर्षे प्रेमसंबंध, लग्नानंतर बनली लुटारु; आता पतीला देतेय जीवे मारण्याची धमकी
ईदच्या दिवशी तरुणाची निर्घृण हत्या, ५ संशयितांना अटक