लखनऊ: प्रसिद्ध शायर आणि आपल्या वक्तव्यांमुळे नेहमी चर्चेत असलेले मुन्नावर राणा यांचा मुसगा तबरेज राणाला बुधवारी लखनऊ पोलिसांनी अटक केली आहे. तबरेजवर स्वतःच्या काकाला खोट्या प्रकरणात अडकवण्यासाठी स्वतःवर गोळीबार करवून घेतल्याचा आरोप आहे. पण, एका सीसीटीव्ही फुटेजमधून तबरेजचा बनाव उघड झाला आणि पोलिसांनी तबरेजच्या मुसक्या आवळल्या.
मालमत्तेचा वाद
मिळालेल्या माहितीनुसार, रायबरेली येथील एका मालमत्तेवरुन तबरेज राणा आणि त्याच्या काकामध्ये अनेक दिवसांपासून वाद सुरू होता. या वादानंतर आपल्या काकाला एका खोट्या खटल्यात अडकवण्यासाठी तबरेजनं स्वतःवर भाड्याच्या गुंडांकडून गोळीबार करवून घेतला. त्यानंतर काकावर या गोळीबाराचा खोटा आरोप केला. पण, पोलिसांना यात संशय आला होता, त्यामुळे घटना घडली त्या परिसरातील सीसीटीव्ही फुटेज तपासल्या.
सीसीटीव्हीतून झाला खुलुसाया दरम्यान, पोलिसांना एक सीसीटीव्ही फुटेज मिळाले, ज्यात तबरेज स्वत: त्याच्यावर हल्ला करणाऱ्या शूटर्ससोबत बातचीत करत असल्याचं दिसलं. त्यावरुन तबरेजनं हा सर्व बनाव केल्याचं उघडं झालं. पोलिसांनी त्याच्याविरुद्ध गुन्हा दाखल करून न्यायालयात हजर केलं. रायबरेली न्यायालयानं तबरेजविरुद्ध अजामीनपात्र वॉरंट जारी केला आणि पोलिसांनी बुधवारी संध्याकाळी तबरेजला त्याच्या घरातून अटक केली.