गोवा पोलिसांनी आतील भागात चाललेल्या सेक्स रॅकेटचा पर्दाफाश केला आहे. गुन्हे शाखेने पणजीच्या सांगोल्डा गावात सुरु असलेल्या या सेक्स रॅकेटमधून एक टीव्ही अभिनेत्रीसह तीन महिला आणि हैदराबादच्या एका व्यक्तीला अटक केली आहे. यामुळे मनोरंजन क्षेत्रात खळबळ उडाली आहे.
ही टीव्ही अभिनेत्री आणि एक महिला ही मुंबईजवळच्या विरार भागात राहणारी आहे. तिसरी महिला हैदराबादची आहे. मिळालेल्या गुप्त माहितीनुसार गुन्हे शाखेने जाळे टाकले. डमी गिऱ्हाईक म्हणून जात संगोल्डामधील एका हॉटेलमध्ये हैदराबादच्या व्यक्तीसोबत ५० हजारांत सौदा ठरला. यानंतर त्या दलालाने जसे या महिलांना त्यांच्यासमोर आणले पोलिसांनी लगेचच अटक केली. गोवा पोलिसांनी याची माहिती दिली आहे.
हाफिज सैयद बिलाल नावाचा व्यक्ती हे सेक्स रॅकेट चालवत होता. पोलिसांना खबऱ्याकडून याची माहिती मिळाली होती. बिलाल हा २६ वर्षांचा आहे. त्याच्याशी ५० हजार रुपयांत सौदी ठरला होता. संगोल्डा येथील एका हॉटेलमध्ये भेटण्याचे ठरले. तिथेच मुली येणार असल्याचेही सांगण्यात आले होते. १७ मार्चला ही कारवाई करण्यात आली. टीव्ही अभिनेत्रीसह पकडण्यात आलेल्या महिलांचे वय हे ३० ते ३७ वर्षे आहे.