गुजरात - मंगळवारी गुजरातच्या राजकोट येथे एका महिलेचा गळा चिरुन हत्या करण्यात आली. सुरुवातीला एकतर्फी प्रेम असलेल्या युवकाने सिंदूरची डबी घेेेऊन मुलीला भर रस्त्यात रोखले आणि त्यानंतर मुलीला लग्नासाठी बळजबरी केेली असता तिने विरोध केला. त्यानंतर रागाच्या भरात युवकाने तीच्या गळ्यावर वार केले.
चाकूने मुलीवर हल्ला केल्यानंतर आरोपी इतका संतापलेला की जमा झालेल्या कोणाचेेही तिच्याजवळ मदतीसाठी जाण्याचे धाडस झाले नाही. मात्र, काही लोक धाडसाने गेले त्यावेळी आरोपीने तेथून पळून जाण्याचा प्रयत्न करत स्वतःला इजा करून घेतली.
प्रिया अनिल चौधरी (वय 20) असे जखमी मुलीचे नाव आहे, तर हल्लेखोराचे नाव विक्रम विश्वनाथ पांडेसर (वय 22) आहे. लोकांनी दोघांनाही राजकोटच्या रुग्णालयात दाखल करण्यात आले आहे. तपास अधिकाऱ्याच्या म्हणण्यानुसार, पीडित प्रियाची प्रकृती चिंताजनक आहे. आरोपी मूळचा उत्तर प्रदेशचा असल्याची माहिती आहे. तो मेटोडा येथील फॅक्टरीत काम करतो. त्याचबरोबर पीडित मुलगी मूळ बिहारची आहे. ती राजकोटच्या मेटोडा जीआयडीसी भागात आपली बहीण आणि मेहुणा यांच्यासह राहते. पीडितेच्या मेहुण्याने आरोपीविरोधात तक्रार दाखल केली आहे. पोलिसांनी गुन्हा दाखल करून तपास सुरू केला आहे.